Ka lung a kuai te lai tiin kan rak duhdaw lo.
Ka lung a fak te lai tiin kan rak duhdaw lo.
Ka li a leng te lai tiin kan rak duhdawh lo.
Nun chung duhdawtnak biaza phai ding ahcun,
Theihthiamnak lawng cun a tlamtling kho lo,
Tlaihchannak lawng cun a za kho lo.
Zungzal in dawtnak ruuninn khat ah len ding ahcun,
Ka sining tein na ka cohlan khawh a biapi,
Ka sining dih lak in an duhdawtu ka si.
Nang le kei kar duhdawtnak a tlum hnu ah,
Nang cu ka hngalh bal lomi mithar na cang,
Na lung duhnak ka pehton kho hrim lo.
Na lung naa thlen te lai ding hi ka ruat lo,
Ka sining nih maw na lung hmai a khah lo?
Na sining nih dah ka lung hmai a khah lo?
Kei cu keimah bawn ka si ko:
Sining dih lak in an duhdawtu;
Lung kuai nun pin ah lilennak aa thimtu,
A hmun ding dawtnak a kawlmi ka si.
