Biahmaitthi:
Keimah ka min cu Van Ceu Lian si. Thlantlang peng Lulpilung ah a chuak mi ka si . Tulio te hi cu Australia ah ka um ve. Keimah pumpak kong zubui-mei-can tein vun in chimh ve hna ka duh. Zeibantuk tuah/ṭuan/i celh/ saduhthah ka ngeih mi kong te pawl zong...tawite in chimh ve kaan duh hna...
Hnulei Kong:-------------------- 1996-18 Chiapa ah Thlantlang peng Lulpilung khua ah ka rak chuak. 2013 kum cheu hnu ah Coffs Harbour Christian Community ah sianginn ka kai, i 2016 kum ah ka dih. Taang kua kharte hnu in ka thok in taang 12 tiang ka kai. Hi hnu ahhin, Senior College ah Preparing for Success timi course thla ruk chung ka kai tthan. Cun le, Southern Cross University ah Bachelor/Arts of Primary Education kum le cheu ka kai i, tulio hi Bachelor of Social Welfare ka kai lio a si..
Huam/Zuammi:------------------Inn rianttuan: inn thianh tibantuk; thil le ri ttha tein le rem tthiptthep tein chiah hi ka huam ngaingai. Umhar zong a pheng i lungsaunak zong, a si. Pumpululh i celh le hawi he lente i celh hi ka duh ngaingai. Carel/ṭtial zong ka zuam ngaingai. Kan rel/ṭialnak thawngin Laimi kan kong zong thuk deuh le tam deuh in kan hngalhtheih khawh ve lawng si loin; Laica dawtnak le upatnak zong, a kan ngeih ter khawh ve. Carel/ṭial hi ka huam/zuam bikmi thil lianngan pakhat asi. Caṭial thiam mi zong ka uar tuk fawn hna...
Saduhthah/Chunmang:---------Ka nunnak ahhin Saduhthah/Chunmang tampi ka ngei. Cheukhat cu thil lianngan an si i cheukhat cu Nunnak a van hrimhrim an si, nain, lu le thluak, tha le zaang nih ati khawh ve lomi thil zong tampi an um. Sihmanhsehlaw, ka tawkzawn i ka comi thil nih a zatawkin i lunghmuihnak nganpi zong an ka pek ve. Mi tlumtla si ding hi ka saduhthah ngan pakhat, a si. Keimah pumpak caah ṭhawng ngai in i lunghmuihnak aka petu thil hna cu; hawi lawmhter, mah le mah i cohlan, le Nu le Pa bia ngaih hna hi an si...
Tinhmi:----------------------Minung ka si ve bantuk in Tinhmi tampi ka ngei. Nain, "Amah pa/Anih tinhmi cu a sang taktak" timi dirhmun tiang a phanmi 'Tinhmi' tu lam cu ka ngei lo. Hnulei tuanbia ruang le Nu le Pa fimhngalhnak ka bau pah ca ruang si kho men. Nain, keimah pumpak cun kaa zuam len ve, i harnak tampi he zong kaa hnurtaa ve. Sianginn kainak zongah a thiam lo cem si cu kaa tinh bak lo. Ruahchannak le Zumhnak hi ka ngei ve ko nain; Doctor, Engineer te pawl cu kaa tinh ngam fawn lo, aa Lawmmi Nun ngeih khawh tu kaa tim...
Hleivuang theihternak---------Hi Blog i ka ṭialmi ca hna hi an tlamtling lai lo. Nain, hi chung ahhin a sunglawimi thil pakhat tal cu hmu ve law, ti kaan duh. Hi Blog hi 2012 bakin tuah awt mi, a si. 2012 kum cheu hnu hrawng lawngin biatak tein tthancho a la. (Kum 15 tluk hrawng ka si in biatak tein cattial kai thok). Nangmah pumpak ttialmi; biazai, capar, capo, lenhloi, tuanbia, etc... siaherhnak na ngeih ahcun rak post khawh ve, a si. (Contact ka tuah law Author ah kan add lai).
Lunglawmhnak tampi he
Van Ceu Lian
