NSW P Sen le P Hring he Pehtlai in Zulhphung (rules) Theih Awk Tlak:
P1 (P Sen):
- Truck (Kung-ka) mawngh ngah lo
- 90km/h cung mawngh khawh si lo
- P Sen cu motor leng bak ah benh ding; a chungah a ngah lo (Palik nih tlaih ahcun dan pek khawh a si)
- Phone tawngh ngah lo (motor park (pak) dah ti lo cun)
- Loudspeaker in music ngaih ngah lo (motor park (pak) dah ti lo cun)
- Bluetooth (ba lu ttut) in phone peh le hla peh zong ngah lo (Motor Park (pak) dah ti lo cun)
- I test tir ah manual in rak I test lo cun manual mawngh ngah lo; auto lawng mawngh ding
- Thil hnuhnak in (trailer) thil 250kg (cuai 250) nak tam thil na hnuk kho lo. A hme deuh mi thil hnuhnak na hman a hau
- Kum 25 tang na si ahcun, kum 21 in a tanglei minung simi kha zaan 11 pm in zing 5 am kar chung minung 1 nak tam in na phur kho lo. (Mah innchung khar minung dah ti lo)
- Turbo (rang deuh kalnak she) bunh mi motor zong na mawng kho lo
- Point 4 na ngei I, palhnak na tuah mi nih cu point a lawnh ahcun bar na si lai.
- Bar mi cu thla 3, 6, 12...zong a si kho. Palhnak na tuah mi zohchih in pek ding
- Bar na ton hnu I motor na mawngh tthan tikah minung 1 nak tam in thla 12 chung cu mi na phur kho lai lo. Bar na ton hnu ahcun na licence kong kha Service NSW zong hal khawh I zuam hna. Minung 2, 3 4 hna thei loin na phurh sual hna I palik hna naa ton sual ahcun point an in zuh tthan lai.
P2 (P Hring:
- Point 7 na ngei.
- Thla 24 hnu ah full licence na sawk khawh.
- Phone tawngh ngah lo (motor park (pak) dah ti lo cun)
- Loudspeaker in music ngaih ngah lo (motor park (pak) dah ti lo cun)
- Bluetooth (ba lu ttut) in phone peh le hla peh zong ngah lo (Motor Park (pak) dah ti lo cun)
- 100km/h nak tam khoika hmanh ah mawngh lo ding
- P Hring cu a leng ah benh ding’ a chungah benh I palik nih hmuh ahcun dan pek khawh a si.
- Palhnak ruangah motor mawngh bar bal mi na si ahcun kum 2 na tlin hnu zongah, bar na si hnu paoh ahcun thla 6 duahmah in na hngah nolh a hau. Vuikhat lawngh bar si ahcun, thla 6 na hngah lai; vui 2 bar naa huah ahcun thla 12...
- Bar na ton hnu I motor na mawngh tthan tikah minung 1 nak tam in thla 12 chung cu mi na phur kho lai lo. Bar na ton hnu ahcun na licence kong kha Service NSW zong hal khawh I zuam hna. Minung 2, 3 4 hna thei loin na phurh sual hna I palik hna naa ton sual ahcun point an in zuh tthan lai.
Application For Exemption | Luatternak ca Sawknak
Na license cu thla 3, 6, 12...bar a si hnu ahcun minung 1nk tam na phurh khawh ti lo caah, cu zulhphung in na luat khawhnak ding ca ahcun Application For Exemption timi Luatternak caah Sawknak na tuah a hau. Cucu, an in bar mi caan a dih I motor a mawng kho tthan mi na si bak in na tuah ding a si. A form (ca) kha Service NSW website ah lak khawh a si I Online zong in lak khawh a si. Cun, cu sawknak tuah tik ah tangka liam a hau.
Hi Form cu chungkhar phurh ding hei ti, rianttuan hawi phurh ding a ngei mi hna nih phih ding a si. Aruang cu bar na si i, an in bar mi caan a dih in motor na mawngh khawh tthan tikah, thla 12 chung kha hi zulhphung nih hin an nanh colh. Cucu minung 1nk tam phurh lo ding kha a si. Cucaah, Luatternak ca Sawkank tuah colh lo ahcun thla 12 chungah palik he i ton tthan sual ahcun, dantatnak dang na tong kho.
Siaherhnak te he kan share ve hna.
