“Zaanṭim Thinlung Nun”
Inn; biakinn, sianginn, hawi-inn…
Kan tonnak kipah, hi biathli hi ka lung in ka phuan hna:
Kan duh, kan dawt, kan uar, i kan tlaihchan tuk.
Cun
Hmun; dum, dawr, lam…
Kan tonnak kipah, hmurka biak ngam lomi,
Thinlung biathli ngan, ka pum chungah ka phuan hna:
Kan duh, kan dawt, kan uar, i kan tlaihchan tuk.
Biatak
Na mirh mithmai nih lawmh-lau in a ka zaat ter
Na aanka tlo nih, duhnak chungah, ka hna an phum,
Kan takvun aa tongh tin ka lau, nain cu feeling cu ka uar
Mi za kan umnak ah ka mitfang na si.
Fawinak le harnak,
Zeitihlei deuh in ka chim thiam lo…
Hmanhseh, kan hmuhton tin, hihi na theih loin ka phuan ṭheo hna:
Kan duh, kan dawt, kan uar, i kan tlaihchan…
Tuzan, zanmang kawp ngei lomi zanṭim sin ah,
Nang in ruat in, ka thinlung le caan an i hne, a tuartu: ka nun.
Kan mit aa ton caan ah,
Kan bia aa ruah caan ah,
Kan caan aa komh caan ah:
Kan dawtnak, kan duhnak, kan uarnak le kan tlaihchannak
Na hmuh hna lai ding cu ka chunmang a si;
Zantin mang hawikom zongah an cang len, tuzan tiang.
Minu
Kan duhdawt, kan uar, i kan tlaihchan!
Hi zanṭim thinlung nun hruai zul in
Hrapkhat kan duhdawtnak tuanbia ka fun: kan dawt, kan duh, kan uar, i kan tlaihchan…
