• Kaa tlaih mi nih atu ka dirhmun ah a ka phakter.
- What I hold onto made me into who I am.
Only Yesterday timi hi animated tuah mi Japan movie a si. Netflix ah zoh khawh a si i, suimilam pahnih deng tluk in a sau. Hi movie chung ahhin a biapi in hmuhsak mi le langhter mi cu kan no lio caan te hi a hmun lo, ti hi a si. Mino caah zoh awk a ṭha ngaingai mi movie pakhat zong a si. Aruang cu khua kan ruah ning, thil kan hmuh ning le hmailei caah duhsaknak kan ngeih mi kong tete ca zong ah tampi in khua a kan ruahpi tu le thil a kan hmuh ter tu a si lai, tiah ka ruah. A tanglei ahhin hi movie chungin cawn khawh mi zeimawzet cu Lai to English in translate ka tuah i, ka rak ṭial. Ka ṭial mi hi, a movie chungin lak mi si loin, a movie ka zohnak in ka hei i fiannak kha ka ṭial mi a si. Na zoh ve ahcun, nang caah cun sullam dang a ngei kho men. A ṭha ngai.
• A nenno mi ka lungthin put, a thuk lo a tliang ngai mi ka ruahnak, aa ngerh ngawih lo ka duhnak...hi ngakchiat lio nun ziaza tete hi caan sinah duhsah duhsah in kaa phawih hna.
- An overly simplistic mindset, a thought that's not too deep but quite clear, a not so twisted desire...as time goes by I slowly began to detach myself from all these childhood characteristics.
• Kum tling minung vawlei sinah ka luh lai ahhin a rak nenno mi ka lungthin put te cu lungkhong le ṭhawngṭha deuh in aa sersiam, a rak thuk lo a rak tliang mi ka ruahnak cu tlawmte in a hun thuk deuh i a nawi fawi deuh, aa rak ngerh ngawih lo ka duhnak cu a theihthiam a hun har deuh i a hmuh thiam a hun har deuh.
- As I entered into the world of maturity, a once overly simplistic mindset of mine has become a little more sophisticated, a once not so deep but quite clear thinking of mine has become deeper and cloudier, a once not so twisted desire of mine has become a little harder to realise and accept.
• Nunnak caah zeidah a biapi timi biahalnak ka ngei tawn. Nun ca lawmhnak caah zeidah a biapi timi biahalnak ka ngei tawn.
- I begin to ask, "What is the most important thing in life? What is the most important thing for happiness?"
• Chunmang za kip zong thatho ngai in ka phai i kan maan tawn.
- I have dreams that I eagerly talk about and fantasise about however all I want.
• Nain, ka kawl mi a phi ka hmu kho lo.
- Yet, I find no answer to solutions.
• Cutikah, a mui cuahmah mi ka vawlei sinah, nunnak sullam kawl ding in, khuaza ka ruat ṭhan.
- And then, I started to ponder even more, in search of meaning for life, in my dark despair.
• Zei pawl hi dah kaa tlaih mi an si ka zoh ṭhan. Ka hmuh fian: zeipaoh ah tlamtling ding si kaa zuam; palhnak ka tuah sual lai ti ka phang, hawi ka tluk sual lai lo ti ka phang...cun sungh zatlaknak ka ṭih tuk zong ka hmuh. Khan cun, nunnak i nunpi loin a zam tak mi ka si, kaa fian.
- I then started to reflect on what I've been holding onto all along. I realised: I have been trying hard to be perfect in everything I do; afraid of making mistake, afraid of not being able to levels with people around me...and afraid of failures. It's when I realised the fact that I've not been living my life but run away from it all along.
• Kaa tlaih mi thil nih hmai ah thawn kho loin an ka tlaih.
- All along, it's the things that I hold onto holding me back.
• Hin cun, nunnak sullam kong tlawmte ṭha deuh in kaa fiang. Nunnak ah a biapi bik mi cu caan a si, tiah ka ruah. Lawmhnak caah a biapi bik mi cu dawtnak hi a si, tiah ka ruah.
- And now, I started to understand a little better when it comes to the meaning of life. The most important thing, I think, in life is time. The most important thing, I think, for happiness is love.
• Caan le dawtnak kha fimkhur tein i tlaih hna. Naa tlaih mi nih atu na dirhmun ah an phakter.
- Hold wisely onto your time and love. What you hold onto made into who you are.
