“Nenno Mi Ka Seino Caan”
Sonnet
Sui
thei pum bang—semmawng kei ka caan ṭha,
A thlum rosung tuanbia dawh aa hlumnak.
A liam no caan sin, duhsah in an kha,
Hngahhlang thil lawng a tam a zual
hrumnak.
Tlang lo Ni bang ka nun a liam caan tam:
Uam mi zu bang mah ruahnak he ri tawn;
Kanu chunmang hlawhtling in ka duh sam,
Hmanhseh, duhthim ngei lo bang ka lung sawn.
Leiba a ngei bang ka nun khua an liam,
A tuartu ka si lioah kanu ṭap:
Hren mi sa bang kaa ruahchannak an ziam ,
Mangman kanu ka ruah ah ka lung taap,
Uangpi awk zeihmanh lo he ka choi per,
Hnuhmai ngei lo bang liam in nun aa her.
