Sunghno Kanu, Kaa Lawm

"Sunghno Ka Nu, Kaa Lawm"

Hi vawlei ka hmuh sin, hlawmtu kut zaṭial.
Kei kaa thlimnak sung, hnukthlum cawmtu.
Kei kaa hawh thawhnak, nem hnimhniam aanka.
Kei ka diriamhnak, ngol lo hretu --

Minung:
Dawtnak i an Nu;
Thadi in na ka zawi,
Nganfah in na ka pawi,
Awlokchong in na ka hramhkauh,
Bihzun sunhsak in na ka zohkhenh,
Chiat caan ṭhat caan zongah,
"Kafa, kafa..." timi aw-hring --
lungdongh in a vio chel,
lunglawm in a vio chel--
dawtnak bianem pautu Sunghno Nu.

-- Awrka fawh cu naa sum thiam;
hmanhseh, tha le zaang ban cu na thiam lo,
na liang an bo, i na paw a tawi.

-- Biadik na lek tawn:
"Na duhmi zong ka duh lo";
Na duh lomi zong ka duh..."

Samfanak an raan tiang,
Zumh awk tlakmi Nu sunglawi,
Pathian laksawng maw Ro dek --
Nun a khimtertu na si.

Kei ka nun: A khimnak,
A daihnak, A ṭhatnak, A lumnak,
A nuamhnak le lawmhnak hnga;
cun, thluachuah petu, thlazacamnak in
kilhkamtu 'Nu Thluachuak'
Sunghno Nu kan ngei.
Hihi chim ka duh ngaingai:
Ka Nu, tampi kaa lawm!
Pathian thluachuah dawng ko!"
                                       
                                             Van Ceu Lian (Cinraang)