Zaanṭim Khuaruah
Muihnak thuk chung a dai thawngpang sin;
Thliher kik lak i teek ngai in khautazik au thawng,
Ruahnak phun dang he nun a au tu.
A king
A dai
A nem mi zaan nih,
Lu sin i tuanbia hlun hna a phuan ṭhan tikah,
Cinkennak a sunlawi zia ka fian.
Cinkennak: liam cia tuanbia nunnak a petu;
Lu chung tuanbia hlun he, zaanṭim khua mang ah
- - Vawlei dang ah ka nung
Lilennak nih tlawm tein a phulh i,
Ngaihnak nih thlavaikiang ngai in a zuun mi:
Liam cia ni le caan; hmailei kong philh in ka khirh ṭhan.
Liam cia caan a tling mi an si ka fian;
Hmailei caan a tling lomi a si ka fian,
Cinkennak, nunnak caah ro a si zong ka fian,
Cun, liamcia tuanbia hlun cu ka ruat ṭheo.
