"Thinlung Durhtu Duhdawtnak"
© Online Cahrawl
Blog: onlinecahrawl..com.au
Takpum thling tiang a rak zaat ter i,
Thinlung tiang a rak hiarhtu duhnak,
Hawikomhnak men nih a rawlh hnu ah;
Lungdiriam in rak i sunhsak--rak tuarmi le,
Nun lam a rak kilhkamhtu dawtnak,
Theihthiamnak men nih a rawlh hnu ah;
Mah ca, mah tein aa chimrel ve mi zanmang hmanh,
Sullam a rak petu rak i tlaihchannak tuar-thlum,
I hrialnak nih a nawnnok hnu ah:
Thinlung lila nih nun a durh!
Caan nih a uk lomi duhnak le,
Suimilam nih a 'khih lomi' ruahnak he,
Lung thi loin muihnak chungah biathli a rel:
"Ka duh, ka uar, i ka dawt."
"Ka philh siang lo, dawtmi."
'Ṭik-ṭok' in awn,
Zaanṭim suimilam-kut cangh sinah,
Puan lum nih a hnemh lomi biangno cung in:
Mitthli a luang, mitthli a luang kirmar.
