Zeibantuk Lung-nun?
Cafang le cafung nih an hun thil hna i,
Bia le hla nih, caan sinah, duhsah in:
An hun sersiam mi ‘chunmang tuanbia’,
Ruahchannak ka ngeih hnawh hi, palhnak a si lem lo, lo mei?
Ka uk lomi caan hoih in, ka lung le ka thi,
Zeitin an luan ka hngal lo, ka ruat tawn lo.
‘Hawikom’ timi biafang ah maw ka lung a tlumtlak hnga,
Silole, khi nak thuk khin ka pil sual hnga maw, ka hngalfiang
lo.
Nain, ka nun ah hi thil ka ton caan a tam:
Hriah lo muithlam nih zaanmang a len tawn,
Zaanṭim
cakuat zong ziaza pakhat ah a hun cang,
Thli
chungin tlaihchannak a vai, ka reikiang tiang phan,
Chim thli
ai um ṭheo; hmurcip zong ah, kut thei an caang.
Thaizing hmanh kamh lomi ka nun nih
Hmai kum ca tiang hmanh in zumhnak a ngeih!
Zeiruangah a si ka hngalfiang lo, hi lung-nun…
Tlanghra, tlangza lawng in i dan a si ti lo,
Dong lo rili ralchanh in kan vawlei ai zawn,
Hi bu, ruahchannak le zumhnak ka ngeih hna hi…
Palhnak a si lem lai lo, lo mei?
Kehlei zapei cungah a it tawn mi ka phone,
Orhlei kut dong nih a hmeh tawn mi ‘phone caṭialnak’,
Hmuahchih dengmang in ka rel tawn mi ‘a cakuat’,
A dang vawlei in nunpi kaa timh si sual maw, ka hngalfiang
lo.
Nain, hi ‘chunmang’ hi lungthi loin kaa ruahchan ṭheo,
Zeibantuk lung-nun dah ka tuar, ka hngalfiang lo.
