[tab]
[content title="Cahmai 1"]Hringtu Nu
Biahalnak pakhat--Laimi dirhmun in--kan ruah bal thenglomi cu, "Hringtu nu hi a ho dah a si?" tihi a si lai dah. A ruah zong kan ruah khawh men mi zong a si i, ruah lo khawh men zong a si. A ngaingai ti ahcun ruah haumi zongah kan ruat lo kho men awh! Mah cu bang hna cu, zei duhnak le sullam pipa zong ngei lomi--hringtu nule cu nule hme tah an si ko kan ti mei khawh men, silole kan rak ti thluangthluan cang men. Asinain, kan nule he pehtlai in zeimaw kan ruah haumi um mi cu a um hrimhrim ko.
Hringtu nu cu a kan hringtu kan nu, a kan cawm kengtu kan nu, a kan zohkhenhtu kan nu...khi an si ko hen cu kan ti men lai. I cucu thil dik a si, i hringtu nule an sinak zong zeimaw cu a kemh chih ve. Asinain, cu nak thuk in thil hi fak piin kan purhdah awk a si.
Hringtu nule hi hringtu, cawmkengtu, zohkhenhtu le bawmchantu lawngah kan hmuh hna ruang ahhin an sinak le an man hi kan sawksam dih tawn. Cucu mirang nih 'taking for granted' an ti tawn mi khi a si, i cucu Lai biafang tein momh ve ko usih kan ti a si ahcun 'a si ding si sawk' timi biabor te nih hin a khen ngaingai lai dah ka ti. Hiti, hringtu nule hi hringtu, cawmkengtu, zohkhenhtu le bawmchantu lawngah kan hmuh hna ruang ahhin caan tampi cu kan hngalfiang kho tawn hna lo, kan theithiam kho tawn hna lo, kan ruat kho tawn hna lo, i zei ah kan rel tawn hna lo. Cuti a si tikah a nepnak ahcun kanmah lila kan nun le kan nule nun a ngerh nguaitu thil tampi an um, i cu nih inn chungkhar kan i pehtlaihnak zong a lamkip in a kheh ve tawn hna.[/content] [content title="Cahmai 2"]1. A kan Dawtnak kan hngalfiang kho lo
"Kanu cu a zia chia. A zai tam. " kan ti tawn. Si! Adik! Kan nule hi tlok lengmang in an zai tawn. Asinain, a ruang a um. Cucu a kan dawt tuk caah a si ko. Na nu nih an zai hnawh ahcun a ka dawt ti kha thei law, thil pakhatkhat cu a si lo ning in ka tuah cang ti kha hngal! Thilṭha ngaingai mi na tuah ruangah na nu nih an zai hnawh bal lo! Hi hnu cu, na nu nih an zai hnawh ahcun na caah a ṭha lomi thil; thlen ding, hlonh ding, hloh ding le remh ding tampi a um tinak a si ti kha thei lengmang.
2. A kan zawnruahnak kan hngalfiang kho lo.
Mi inn mi lo i ar tlau bang kan vahvaih tikah kan nule hi an lungrethei tawn. Nupi hmanh ngei kho lo ding dirhmun i kan um tikah an lungrethei tawn. Hawi kan tluk lo tikah an ngaihchia i an lungrethei tawn. Mah hngal loin kan duh ti paoh in khua kan sak lai kan rel tikah an lungrawk, i an ngaih a chia. Zeicatiah cucu tlaunak lamthluan ah dotkhatnak a si kha, a kan hngalh piak. Cucaah, atu bantukin dawhcah lo ziaza na ngeihmi ruang i na nu nih an chimh cawnpiak tikah naa thiam ter, naa thlak, naa fimter...cu e kha e ti ve ti len hlah! A ka zawn caah a si timi kha hngal zungzal. Na ihnak ihkhun cung i dai zirzir tein na ih ko ahcun, na nu nih ra riangmang in heh tiah hna an hnawh lai lo dahkaw!
3. Saduhthah a kan ngeih piakmi kan hngalfiang kho lo
Nule nih hin fale hi thilṭha cu a kan duh piak cio. Cucu, saduhthah a kan ngeih piakmi in hmuh khawh a si. Asinain, cucu, fale nih hin kan hngalfiang kho tawn lo. Kan nule nih, "Ca zoh. Zu ding hlah. Kuak zu hlah. Thilṭhalo tuah hlah. Dingrep ngei tein ṭhudir," tiah a kan ti tik ahhin cheukhat nih cun kan ruahmi a um ṭheo: Ka nu nih a ka/kan uk tuk, kan ti ṭheo. A/anmah duh ning lawng in nung hna seh ti a kan duh kan ti ṭheo. A ngaingai ti ahcun kanmah hmanh nih kan i hngalhfian lomi kan nunnak, kan lamthluan--hi hnu hmailei ah hlawhtlinnak he aa zuldawi kho ding dirhmun tiang phan kho dingin saduhthah a kan ngeih piaknak khi an si ko. Cucu, a hmuh zia le a hngalhthiam zia hi kan i palh ṭheo tawn, i kan nule hi mi thiamthalh, mah nawl lawng in fale nunter timtu le hramhram in mi uk timtu ah kan ruah tawn hna. Asinain, kan ruah haumi thil cu hihi a si: Duhduh mama in, kan nule hmuh cia, kim cia, fim cia, zalh cia le tuah cia lawnglawng zei rira ruat loin kan sawksam men le; mah nih mah hmailei ca i saduhthahnak zong kan ngeih lem lo ahcun, nule bia ngaih hi i zuam usih law an nawl zul ve ko hna usih. Hringtu nule nih cun fale caah cun thilṭha cu an duh cio![/content] [content title="Cahmai 3"]4. An dirhmun taktak kan hngalfiang kho hna lo
Minung pakhat le pakhat kan dirhmun taktak i hngalhthiam piak timi hi thil nepte a si lo. Ahlei khun in, nule dirhmun theihthiam le hngalhthiam piaknak koko ahhin kan luan tuk tawn. 'A si ding/awk si sawk' timi kan lungput le ruahnak ruang ahhin caan tampi cu kan nu le hi kan pheo tawn hna, a hlei in ramdang phan Laimi nih. Fale nih, kanmah le kanmah kan i theihter lengmang ve a hau mi cu hihi a si: Ka nu hi a dirhmun a ṭha maw ṭha lo ti hi. A biapi tuk. Kan nule hi daw ve hna uish, a kan dawt tuk bantukin. Philh hlah! Na nu mit. Na nu thlenti. Na nu thabatnak. Na nu ngaihchiatnak. Na nu intuarnak. Na nu teiman thluknak. Sunghno nu dawtnak cu a kan sersiamtu dawh a si.
5. Kan nule (pa) kan zahpi tawn hna
Bible nih a huat ngaingai thil pakhat cu nulepa zahpi hi a si ve. Ramthumnak um ka si caah, ramthumnak dirhmun in ka chim ve lai. Ramthumnak phan ṭhangcho fale hna nih hin kan nule (pa) hi hawi sinah kan zahpi tawn hna. Kan nulepa palh maw? Caan a kan pe lo tuk le maw a si hnga? Nemmam! Kanmah hruh dah si ti ko lo cun zeihlei khi va puh len awk a um lo. Chim ding tampi a um ko nain hi vial hi a za ko. Hi pin hi cu mah le sining cio i dap ve hna usih. Kanmah le kanmah hi kan i hleng kho lo. Cucaah, zei dirhmun ahdah kan dir ti kha, hmuh awkah, cun remh awkah, i kherhhlai ve hna usihlaw nung ceomo ve hna usih.
Adonghnak ah: Pathian nih hin nule hi a ser tik hna ahhin vel ngei tuk in a sersiam mi hna an si. Nule hi khuaruahhar an si ko. An thinlung in a kan duhdawt, a kan zawnruah, a kan zaangfah, a kan ṭanpi...An ruahnak in khua a kan khan piak, i lai a kan rel piak. An thazaang in kan caah an tuah khawh mi paoh cu a kan tuah piak. Na nu mit khi va zoh lengmang. Chim lo phuan lo intuarnak an in thuh tawn nak hmun dawh a si. Na nu daw cikcek mu.[/content] [/tab]
Hringtu nu cu a kan hringtu kan nu, a kan cawm kengtu kan nu, a kan zohkhenhtu kan nu...khi an si ko hen cu kan ti men lai. I cucu thil dik a si, i hringtu nule an sinak zong zeimaw cu a kemh chih ve. Asinain, cu nak thuk in thil hi fak piin kan purhdah awk a si.
Hringtu nule hi hringtu, cawmkengtu, zohkhenhtu le bawmchantu lawngah kan hmuh hna ruang ahhin an sinak le an man hi kan sawksam dih tawn. Cucu mirang nih 'taking for granted' an ti tawn mi khi a si, i cucu Lai biafang tein momh ve ko usih kan ti a si ahcun 'a si ding si sawk' timi biabor te nih hin a khen ngaingai lai dah ka ti. Hiti, hringtu nule hi hringtu, cawmkengtu, zohkhenhtu le bawmchantu lawngah kan hmuh hna ruang ahhin caan tampi cu kan hngalfiang kho tawn hna lo, kan theithiam kho tawn hna lo, kan ruat kho tawn hna lo, i zei ah kan rel tawn hna lo. Cuti a si tikah a nepnak ahcun kanmah lila kan nun le kan nule nun a ngerh nguaitu thil tampi an um, i cu nih inn chungkhar kan i pehtlaihnak zong a lamkip in a kheh ve tawn hna.[/content] [content title="Cahmai 2"]1. A kan Dawtnak kan hngalfiang kho lo
"Kanu cu a zia chia. A zai tam. " kan ti tawn. Si! Adik! Kan nule hi tlok lengmang in an zai tawn. Asinain, a ruang a um. Cucu a kan dawt tuk caah a si ko. Na nu nih an zai hnawh ahcun a ka dawt ti kha thei law, thil pakhatkhat cu a si lo ning in ka tuah cang ti kha hngal! Thilṭha ngaingai mi na tuah ruangah na nu nih an zai hnawh bal lo! Hi hnu cu, na nu nih an zai hnawh ahcun na caah a ṭha lomi thil; thlen ding, hlonh ding, hloh ding le remh ding tampi a um tinak a si ti kha thei lengmang.
2. A kan zawnruahnak kan hngalfiang kho lo.
Mi inn mi lo i ar tlau bang kan vahvaih tikah kan nule hi an lungrethei tawn. Nupi hmanh ngei kho lo ding dirhmun i kan um tikah an lungrethei tawn. Hawi kan tluk lo tikah an ngaihchia i an lungrethei tawn. Mah hngal loin kan duh ti paoh in khua kan sak lai kan rel tikah an lungrawk, i an ngaih a chia. Zeicatiah cucu tlaunak lamthluan ah dotkhatnak a si kha, a kan hngalh piak. Cucaah, atu bantukin dawhcah lo ziaza na ngeihmi ruang i na nu nih an chimh cawnpiak tikah naa thiam ter, naa thlak, naa fimter...cu e kha e ti ve ti len hlah! A ka zawn caah a si timi kha hngal zungzal. Na ihnak ihkhun cung i dai zirzir tein na ih ko ahcun, na nu nih ra riangmang in heh tiah hna an hnawh lai lo dahkaw!
3. Saduhthah a kan ngeih piakmi kan hngalfiang kho lo
Nule nih hin fale hi thilṭha cu a kan duh piak cio. Cucu, saduhthah a kan ngeih piakmi in hmuh khawh a si. Asinain, cucu, fale nih hin kan hngalfiang kho tawn lo. Kan nule nih, "Ca zoh. Zu ding hlah. Kuak zu hlah. Thilṭhalo tuah hlah. Dingrep ngei tein ṭhudir," tiah a kan ti tik ahhin cheukhat nih cun kan ruahmi a um ṭheo: Ka nu nih a ka/kan uk tuk, kan ti ṭheo. A/anmah duh ning lawng in nung hna seh ti a kan duh kan ti ṭheo. A ngaingai ti ahcun kanmah hmanh nih kan i hngalhfian lomi kan nunnak, kan lamthluan--hi hnu hmailei ah hlawhtlinnak he aa zuldawi kho ding dirhmun tiang phan kho dingin saduhthah a kan ngeih piaknak khi an si ko. Cucu, a hmuh zia le a hngalhthiam zia hi kan i palh ṭheo tawn, i kan nule hi mi thiamthalh, mah nawl lawng in fale nunter timtu le hramhram in mi uk timtu ah kan ruah tawn hna. Asinain, kan ruah haumi thil cu hihi a si: Duhduh mama in, kan nule hmuh cia, kim cia, fim cia, zalh cia le tuah cia lawnglawng zei rira ruat loin kan sawksam men le; mah nih mah hmailei ca i saduhthahnak zong kan ngeih lem lo ahcun, nule bia ngaih hi i zuam usih law an nawl zul ve ko hna usih. Hringtu nule nih cun fale caah cun thilṭha cu an duh cio![/content] [content title="Cahmai 3"]4. An dirhmun taktak kan hngalfiang kho hna lo
Minung pakhat le pakhat kan dirhmun taktak i hngalhthiam piak timi hi thil nepte a si lo. Ahlei khun in, nule dirhmun theihthiam le hngalhthiam piaknak koko ahhin kan luan tuk tawn. 'A si ding/awk si sawk' timi kan lungput le ruahnak ruang ahhin caan tampi cu kan nu le hi kan pheo tawn hna, a hlei in ramdang phan Laimi nih. Fale nih, kanmah le kanmah kan i theihter lengmang ve a hau mi cu hihi a si: Ka nu hi a dirhmun a ṭha maw ṭha lo ti hi. A biapi tuk. Kan nule hi daw ve hna uish, a kan dawt tuk bantukin. Philh hlah! Na nu mit. Na nu thlenti. Na nu thabatnak. Na nu ngaihchiatnak. Na nu intuarnak. Na nu teiman thluknak. Sunghno nu dawtnak cu a kan sersiamtu dawh a si.
5. Kan nule (pa) kan zahpi tawn hna
Bible nih a huat ngaingai thil pakhat cu nulepa zahpi hi a si ve. Ramthumnak um ka si caah, ramthumnak dirhmun in ka chim ve lai. Ramthumnak phan ṭhangcho fale hna nih hin kan nule (pa) hi hawi sinah kan zahpi tawn hna. Kan nulepa palh maw? Caan a kan pe lo tuk le maw a si hnga? Nemmam! Kanmah hruh dah si ti ko lo cun zeihlei khi va puh len awk a um lo. Chim ding tampi a um ko nain hi vial hi a za ko. Hi pin hi cu mah le sining cio i dap ve hna usih. Kanmah le kanmah hi kan i hleng kho lo. Cucaah, zei dirhmun ahdah kan dir ti kha, hmuh awkah, cun remh awkah, i kherhhlai ve hna usihlaw nung ceomo ve hna usih.
Adonghnak ah: Pathian nih hin nule hi a ser tik hna ahhin vel ngei tuk in a sersiam mi hna an si. Nule hi khuaruahhar an si ko. An thinlung in a kan duhdawt, a kan zawnruah, a kan zaangfah, a kan ṭanpi...An ruahnak in khua a kan khan piak, i lai a kan rel piak. An thazaang in kan caah an tuah khawh mi paoh cu a kan tuah piak. Na nu mit khi va zoh lengmang. Chim lo phuan lo intuarnak an in thuh tawn nak hmun dawh a si. Na nu daw cikcek mu.[/content] [/tab]
