Thluahchuahnak He Pehtlaih In Bible Cacaang
Thim:
Deteronomi
30: 16
16* Nihin ah kan pekmi hna Bawipa nan Pathian
i a nawlbia cu, Bawipa nan Pathian
Exodus
23: 25
25* Bawipa nan Pathian lawng kha nan biak lai
i ti le rawl in thluachuahnak kan pek hna lai i nan dam lonak vialte kha kan
lakpiak hna lai.
Filipi
4: 19
19* Cun Khrih Jesuh chungah zeizong vialte
tlamtling tein a ngeimi ka Pathian nih nan herhmi vialte cu an pek hna lai.
Filipi
4: 23
23Bawipa Jesuh Khrih vel cu nan dihlak cungah
um ko seh.
Jerimiah
17: 7-8
7Sihmanhsehlaw keimah kha a ka
bochan i a ka hngatchanmi cu
thluachuahnak ka pek lai.
8Amah cu tikam phunmi
thingkung bantuk,
tiva kam i hram a zammi bantuk
a si.
Vaupi ni a chuah tikah, ṭih awk
zeihmanh a ngei lo,
A hnah cu hring dildel in an um
zungzal ko.
Khuakhen kum a tlun tikah a zei a poi
lo i a thei zong a dong lo. *
Jerimiah
29: 11
11* Nan ca i ka tinhmi cu keimah lawnglawng
nih ka hngalh, tiah Bawipa nih a ti. Cucu vanchiatnak si loin thluachuahnak a
si lai i nan hnu i a rung um ding tefa tampi kong a si lai.
Salm
20: 4
4Na duhmi kha in pe seh law
na timhmi vialte kha
tlinter ko seh.
Matthai
5: 9
9 Mi le mi karah remnak a sertu cu
lunglawmmi nan va si dah!
Pathian nih, ka fa, tiah an ti hna lai.
Salm
34: 8
8 Bawipa hi zeitluk in dah a ṭhat ti kha
nanmah tein va kawl cio hmanh u,
amah chungah him tein a ummi cu
a lung aa lawm. *
Salm
23: 1-2
1 Bawipa cu tuukhal bantukin
a ka vengtu a si,
ka herhmi vialte kha a ka pek dih.
2 Ramhring lakah a ka bawhter,
dinh hmun ti pawngah a ka hruai. *
Salm
31: 19
19 Nangmah an ṭihtu hna caah
na chiahmi thil ṭha cu
zeitluk in dah khuaruahhar an si.
Mi kip hmuh ah na tuahmi thil ṭha cu
zeitluk in dah khuaruahhar a si,
nangmah an bochanmi cu
na huhphenh hna.
Nambar
6: 24-26
24 Bawipa nih thluachuahnak in pe hna in, in
zohkhenh ko hna seh;
25 Bawipa nih nan cungah a hmai tlanter seh
law, vel in ngeih ko hna seh;
26 Bawipa nih mithmai ṭha in pe hna seh law,
daihnak in pe ko hna seh, tiah nan chim lai,’ tiah chim hna.
Phungthlukbia
16: 3
3Na tuahmi vialte cu Bawipa sinah
pe law
Na khuakhannak cu a tling kho lai.
Luka
6: 27-28
27 “Nannih ka bia a theimi hna, nan ral kha va
daw hna u, an huatu hna cungah khan ṭhatnak va tuah u, 28chiat an serhtu hna
kha thla va campiak hna u.
Filemon
1: 25
25 Bawipa Jesuh Khrih vel cu nan dihlak sinah
um ko seh.
1
Peter 3: 9
9 Ṭhat lonak kha ṭhat lonak in lehrul hlah u,
vawlhpamhnak kha vawlhpamhnak in lehrul fawn hlah u; thluachuah peknak tu in
lehrul hna u, zeicahtiah Pathian nih an kawh hna tikah bia an kamhmi hna cu,
thluachuahnak kan pek hna lai, ti a si.
Phungthlukbia
16: 20
20 An in cawnpiakmi kha ṭha tein
ruat law khuaawng na tong lai,
Bawipa kha i bochan law na lung
aa lawm lai.
Galiti
5: 22-23
22 Sihmanhsehlaw Thlarau nih a chuahtermi hna
cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi
sinak, 23toidornak le mah le mah i tei khawhnak tehna hi an si. Cu bantuk thil
hna caah cun nawlbia zeihmanh a herh lo.
Deuteronomi
28: 1
1“ Bawipa nan Pathian aw kha nan ngaih i nihin
ah kan pekmi hna nawlbia vialte cu ṭha tein nan tuah ahcun, vawleicung miphun
vialte hna cungpi ah khin Bawipa nan Pathian nih an chiah hna lai.
Malakhi
3: 10
10 Cheu hra cheu khat cu a dihlak in thawhlawm
inn ah rak pu u, cun ka inn chungah cun rawl um seh. Ka hneksak tuah ngat u,
van innka cu kan hunpiak hna le hunpiak hna lo; thluachuah vanluhnak cu kan
thlethnawh hna le hnawh hna lo zoh tuah ngat u, tiah ralkapbu Bawipa nih a ti.
Luka
6: 45
45 Miṭha nih a lung chung i thil ṭha a khonmi
chung khan ṭhatnak a chuahter; miṭhalo nih a lung chung i thil ṭhalo a khonmi
chung khan chiatnak a chuahter. Zeicahtiah mi nih a kaa in a chimmi hi a lung
chung i a khatmi kha a si,” tiah a ti. *
Salm
1: 1
1 Miṭhalo hna khuakhannak ah
aa tel lo i
Misual hna lam zong a zul lo i
Pathian a nihsawhmi hna sinah
a ṭhu lomi cu
Thluachuakmi an si.
Salm
119: 2
2A nawlbia kha a zul i lungthin
dihlak in a nawl a ngaimi cu
mi lunglawm an si.
Mathai
5: 6
6 Pathian duhnak tuah kha nan duhnak
ngan bik i a chiami cu
lunglawmmi nan va si dah!
Pathian nih nan duhnak cu
a tlinter lai. *
Phungthlukbia
10: 22
22 Bawipa thluachuahnak cu rumtertu
a si i
ngaihchiatnak zeihmanh a ratter
chih hna lo.
Phungthlukbia
18: 22
22 Nupi aa hmuhmi cu thil ṭha
aa hmuhmi a si,
Bawipa cu na cungah a ṭha ti kha
a langhter.
Salm
67: 7
7 Pathian nih thluachuah a kan pek;
vawleicung mi zakip nih
upat hna seh.
Phungthlukbia
3: 7-8
7 Fimnak cu hlaw hlah, amah nih cun
him tein an zohkhenh lai;
amah cu daw law an huhphenh lai;
8 Na lung chungah i chiah law
sangpi ah an cawi lai,
i pom law upatnak an phakter lai.
Salm
149: 4
4 Bawipa nih a mi cu a zaangfah hna i
santlai lomi kha teinak a pek hna.
Phungthlibia
18: 21
21 Lei nih hin thah khawhnak le nunh
khawhnak ṭhawnnak a ngei,
cucaah na bia chimmi theitlai cu
na co a herh lai.
Deuteronomi
10: 12-13
12 “Kha! Israel, Bawipa na Pathian nih an
fialmi cu zeidang si loin, Bawipa na Pathian ṭih le, a lam vialte kha zulh le,
amah kha dawt le, Bawipa na Pathian cu na lung dihlak le na ruahnak dihlak in a
rian ṭuan le, 13 nihin ah nangmah ṭhatnak ding caah nawl kan pekmi hna Bawipa
phungbia le nawlbia hna ulh hi, a si lo maw?
Mathai
5:8
8 Lungthin a thiangmi cu
lunglawmmi nan va si dah!
Pathian kha nan hmuh lai. *
Salm
3: 8
8 Khamhnak cu Bawipa sinin
a rami a si,
Bawipa nih a mi cu thluachuah pe
ko hna seh.”
Exodus
20: 12
12 “Nan nu le nan pa kha upat hna u, cu ti nan
tuah ahcun, Bawipa nan Pathian nih an pekmi hna ram ah hin saupi nan um lai. *
Malakhi
2: 2
2 Aho nih dah a rat ni cu an in khawh lai? A
hung langh tikah ahodah fek tein a dir kho hna lai? Amah cu thianhtu somei
bantuk a si, thil sutu chatpiat bantuk a si; a ṭhu lai i ngun an thianh
bantukin a thianh hna lai; *
Phungthlukbia
10: 6-7
6 Thluachuahnak cu miding hna
lu cungah a um,
sihmanhsehlaw miṭhalo hna
kaa nih cun
zaang-ennak kha an i hmawm.
7 Miding cu thluachuahnak an si tiin
hngalh camcin an si,
sihmanhsehlaw miṭhalo hna min cu
philh zau a si.
Deuteronomi
15: 6
6 Zeitintiah bia an kam hna bangin Bawipa nan
Pathian nih thluachuahnak an pek hna lai i miphun tampi kha nan cawih hna lai;
sihmanhsehlaw nan cawi hna lai lo; miphun tampi kha nan uk hna lai,
sihmanhsehlaw annih nih cun an in uk hna lai lo.
Salm 34: 1
1 Bawipa cu a zungzal in
ka lawmh lai,
amah thangṭhat cu a ngol in
ka ngol lai lo.
Salm
33: 12
12 An Pathian ah Bawipa a simi
miphun cu
lunglawmmi miphun an si,
Bawipa nih a mi ah a thimmi hna cu
lunglawmmi an si.
Johan
20: 29
29 Jesuh nih cun, “Na ka hmuh caah na ka zumh.
Sihmanhsehlaw keimah hmu loin a ka zummi hna caah cun lunglawmh awk a va si
dah,” tiah a ti.
1
Siangpahrang 2: 3
3 cun zei na tuahmi paoh ah le khuazeilei paoh
i naa mernak ah na hlawhtlin nakhnga, Moses phungbia chungah aa ṭial bangin
Bawipa na Pathian bia beuhmi kha na zulh hna lai i amah lam kha na zulh hna lai
i a nawlbia hna le a phungbia hna le a phunglam hna le a hngalhternak bia hna
kha na ulh hna lai;
Joshua
1: 8
8 Hi phungbia cauk nih hin na kaa kha chuahtak
hlah seh; sihmanhsehlaw a chungah aa ṭialmi vialte ningin tuah awkah ralring
tein na um nakhnga, chunzan in mah cucu na ruat lai; zeitintiah khi tikah na
lam kha na tluanter lai i khi tikah khua awng na tong lai.
Rom
12: 14
14 Nanmah an hremtu hna kha Pathian sinah
thluachuah halpiak hna u; asi, thluachuahnak kha halpiak hna u, chiatserhnak si
loin.
Biathlam
22: 21
21 Nan dihlak cungah Bawipa Jesuh vel cu um ko
seh. Amen.
3
Johan 1: 2
2 Ka dawtmi ka hawi, ngandam tein khua na sak
i zeizong vialte na caah rem tein a um nakhnga thla kan campiak — thlarau leiah
siarem in khua na sa ti kha ka hngalh.
Judas
1: 2
2 Zaangfahnak le daihnak le dawtnak cu tlamtling
tein nan ta si ko hna seh.
Habakkuk
3: 19
19 Bawipa Pathian cu ka ṭhawnnak hram
a si,
Ka ke cu sazuk ke bantukin
a khul a ranter hna i
tlang sang cungah khan
a ka hruai. *
Salm
31: 16
16 Kei cu na sal ka si, ka cungah
zaangfahnak ngei ko;
a fekmi na dawtnak ruangah
ka khamh tuah!
Exodus
1: 21
21 Sayamah hna nih khan Pathian kha an ṭih
caah Pathian nih annih cu tefa a pek hna.
Luka
24: 51-52
51 Thluachuah a pek lio hna ah cun an sinin aa
ṭhen i vancung ah a kal. 52 Amah cu an biak i lunglawm ngaiin Jerusalem ah an
kir i 53an caan vialte cu Biakinn chungah khan Pathian thangṭhatnak caah an
hman.
Jeim
3: 10
10 Thangṭhatnak bia le chiatserhnak bia kha
kan kaa pakhat chung cun an chuak. Ka u le ka nau hna, hitihin cun a si awk a
si lo.
Genesis
2: 3
* 3Ni sarih ni cu thluachuah a pek i a dang
tein a chiah, zeicahtiah cu ni cu a thil ser a lim i rianṭuan loin a um ni kha
a si.
Lamkaltu
13: 3
3 Rawl an ulh i thla an cam dih in an cungah
an kut an chuan i an thlah hna.
