Kan Caan Lawng A Heu Ttung I Kan Caah Miaknak A Chuahpi Lem Lomi Thil Kan Tuahmi Zeimawzet:
Minung hi kan mak ngaingai. Khuaruahhar khi kan si. Kan nung nain nunnak sullam ngai taktak hi
Ho paoh nih hin 'Caan' hi a biapi kan ti cio. Nunnak hi a tawi tuk kan ti cio. Asinain, 'a tawimi nunnak' upat in caan hman thiam bal hi kan i harh hringhran tawn. Minung pakhat nih hin nikhat ah zeizat caan ruam in dah kan 'sawksam' timi hi dothlatnak le hlathlainak um sehlaw a phi chuak cu khuaruahhar a si lai.
Na caan ka caan kan hman ning zong hi kan hmeilei lamthluan hi a hnursawn khawh mi a si, i a tthat ter khawh mi a si. Cucaah cun, zeitindah kan caan hi kan hman tihi thei usihlaw, cu kan hman ning nih kan hmailei thanchonak lamthluan ah zeibantuk dirawnhnak dah a kan pek timi zong ruat pah tawn usih.
Atang lei hna hi kan caan heu bik tu cu an si hna; dikthlir in an kong ka ttial ti lai lo, cabia a sau sual lai:
• TV Zoh Tuk
• Chikhat duhmi ngeih lo ruang ah umhar le lilen in na umnak ruang i duhmi pakhat khat ngeih
• Na thlen khawh hnga ttung mi thil kong ah tuahser lem loin chet-law tiah a zai lawng zai cur
• Zei pipa an rel lem lomi minung nih an duh khawhnak hnga heh tiah vai zuam
• I ti ter
• Nangmah lungtlinnak, siaremnak le diriamnak hmuihmai a langh ve ttung na lo piin, nu le pa lungtlinnak, siaremnak le diriamnak lawngin thil va tuah (Pumpak caah)
• Biaalnak kip tei vai zuam
• Mikip, silole zapi harnak le buaibainak vialte bawmh khawh viar hna vai zuam
• A herh lo vah le chuah tuk
• Zeituah awk theih lo i ih le zau
• Tha thut
• Mi kong ceih
• Ping lo le pang lo khuaruah hman
