"A Kuaimi Chungkhar"
Ing-ai chia sin zut, na biafang tum rual, hnazang deng,
Ka biangno cungah, na kut-sar tengh, ka nun tlerh khawng,
Na tei lo thinhun, naa sum lomi mitrengh, kan fanu lau.
Ka taksa,
Ka thinlung,
Ka nunnak ah, fak in tuarmi, hma na neh taak.
Muihnak nih na hmai an huh, i-hngal loin nithar na hlim,
Kei le kan fanu bal kan lung a ngawn,
Tappi, bel le kheng nih na zia neh an ken kawi ve:
Fahnak he
Mitthli he
Ngaihchia in, nihlun zuun kan hlam.
Kan cabuai a lawng; rawl hlei tam, an uih ttheo.
Kan innka nih an hngak; na tin tlai, kan hlam ttheo.
Kan tithah ttim lo; kan chawva heu, na mawng ttheo.
Kan i chawnbia lo; na zeipoi lo, na tlokciar ttheo.
Na mithmai sinah dawtnak tlan ter kaa zuam,
Lawmh zuam in: Na chungkhar daw ve tiah kan nawl;
Kan nun a kang, kan i lawmhnak a tlau!
Mi van hai in chunmang kan maan: i dawt caan.
Pasal,
Va
Chungkhar pa
Phun tungttu na si lo maw?
Kei cu na nupi ka si
Chim ding kan ngeih
Zaangfah tein ka ngaih piak
Kei cu na nupi ka si
Nang he i dawt duhmi nupi
Ziah na ka awnh lo?
Ka innka nih an hngak
Ka nun nih thlaza a cam
Ka thinlung in kan nawl
Caanttha kan pe
Caanttha kan pe
Kan inn chungkhar a kang, i kan i lawmhnak a tlau iahmah cang hi!
