1 Thesalon
5: 11 -: 11Cucaah cun atu i nan tuah lengmang bantuk hin pakhat le pakhat
Isiah 43: 2 2
-: Ti thuk na tan tikah na sinah ka um lai, harnak na inmi nih an tei lai lo. Mei
alh na tan tikah an kangh lai lo, harnak na inmi nih an hliam lai lo.
Joshua 1: 9
-: 9 : Keimah nih nawl kan pek a si lo mei? Ṭhawng ngai le ralṭha ngaiin um ko;
na thinphang hlah, na lung zong dong hlah; zeicahtiah Bawipa na
Pathian cu khuazeika na kalnak hmanh ah na sinah a um ko,” tiah a ti.
Phungthlukbia
18: 10 -: 10 Bawipa min cu a fekmi innsang a si, miding cu khika ah
khan an va tli i an him.
Salm 31: 24
-: 24 Bawipa cungah a ruahchannak a chiami vialte hna, lungṭhawng le
thazang ṭhawng in um ko u!
Phungthlukbia
3: 5-6 -: 5 Bawipa kha na lung
chung dihlak in i bochan law Nangmah fimnak kha i rinh hlah. 6 Na kalnak lam
kip ah amah kha hngal law Amah nih na lam kha a tluanter hna lai.
2 Korin 1:
3-4 -: 3Kan Bawipa Jesuh Khrih i a Pa le
a Pathian, zaangfahnak in a khatmi kan Pa, zeizong vialte ah a kan bawmtu
Pathian cu lawm u sih! 4Harnak kan innak kip ah a kan hnemh caah kannih
zong nih harnak a phunphun in a ingmi kha kan hnemh khawh ve hna i kan hnemh
hnanak ah cun Pathian sinin hnemhnak kan hmuhmi kha kan hman.
Isiah 41:
10 -: Na thin phang hlah — na sinah ka
um ko, Keimah cu na Pathian ka si — zeihmanh ṭih hlah. Kan ṭhawnter lai i kan
bawmh lai; kan huhphenh lai i kan khamh lai.
Johan 14:
27 -: “Daihnak kan chiahtak hna, keimah
daihnak cu kan pek hna. Vawlei nih an pek hna bantukin kan pe hna lo.
Lungrethei le vansang au in um hlah u: nan thin zong phang hlah u.
Johan 16:
33 -: Nannih nih keimah he nan i pehnak
thawngin lungdaihnak nan hmuh nakhnga, hihi kan chimh hna. Vawlei nih hin
harnak an pek hna lai, sihmanhsehlaw ṭih hlah u. Vawlei cu ka tei cang,” tiah a
ti.
2 Timote 1: 7
-: Pathian nih a kan pekmi Thlarau nih cun mi ralchia ah a kan ser lo, ṭhawnnak
le dawtnak le mah le mah i uk khawhnak tu khan a kan khahter.
1 Peter 5: 7 -: Amah nih an zohkhenh hna caah nan
lungretheihnak vialte kha amah cungah chia dih ko u.
Isiah 26: 3 -:
Bawipa, nangmah nih, an i tinhmi kha fek tein aa tlaih inangmah an
bochanmi cu, a tlingmi daihnak kha na pek hna.
Salm 46: 1 -: Pathian cu kan i dornak le kan thazang a
si, harnak caan ah a kan bawm zungzaltu a si. 2 Cucaah cun vawlei cu i hnin in tlang
cu rili chungah tla hna hmanh seh law ka thin a phang lai lo; 3 rili tilet cu
tho in awn hmanh seh, tlang zong i hnin dih hna hmanh seh law ka thin a phang
lai lo.
Salm 16:
8 -: 8 Bawipa ka sinah a um cu ka hngalh
zungzal, amah cu keimah he naihte ah a um i zeihmanh nih an ka hnin kho lo.*
Salm 55: 22 -: Na thilri cu Bawipa sinah ṭhum ta law amah
nih an bawmh lai; miṭha cu zeitikhmanh ah a sunghter bal lai lo.
Salm 118:
14-16 -: 14 Bawipa cu ka himnak le ka ralhruang a si,
amah cu a ka chuahtu a si. * 15Pathian mi hna thlam chung i ral teinak au
thawng cu ngai hmanh: Bawipa ṭhawnnak a liannganmi nih kan ral cu a tei hna, 16
a ṭhawnnak nih teinak a kan pek, a ṭhawnnak a liannganmi nih raltuknak hmun ah
teinak a kan pek!” an ti.
Salm 119:
14-15 -: 14 Chawva tampi ngeih nakin na
nawlbia zulh cu ka duh deuh. 15 Na kan hmuhsakmi thil kha ṭha tein ka ngiat hna
i na kan cawnpiakmi thil kha ka dothlat hna.
Salm 119: 25
Leidip lakah ka ril ko cang, bia na ka kamh bang khan ka nunter ṭhan ko.
Salm 119: 71
Dantatnak ka inmi cu ka caah a ṭha, zeicahtiah na nawlbia kha a ka hngalhter.
Salm 120: 1 Harnak
chung ka um tikah Bawipa cu ka auh i a ka leh.
