Hauhruang
Mi
ing-ai chia ngaingai mi le mi a hem lo ngaingai mi ngakchia pakhat te arak um.
A thinhun a fawi pinah, lehrulhnak ah a khulrang i, mi ngaihthiam aa harh ngaingai
mi a si. Nitin a nunnak zoh tikah lungdong le lungrawk khi a si. Hawi he aa si.
Cun, hawi he an i sik tikah, bia chiakha kha in a chiatserh tawn hna.
Nikhat
cu a pa nih thirkhenh cu zal khat tirhtirh in a pek. Cun sobul zong a pek chih
i, "Ka fapa, hi hnu cu na thin a hun a si ahcun, hi thirkhenh hna hi, khi
hauhruang khulhnak thing cungah khin va khenh hna, na thinhunnak a daih hlan lo
va khenh hna," tiah a fapa cu a chimh.
A
nikhat nak ni lawng bakah thirkhenh 37 cu, cu hauhrawng kulhnak thing cung
ahcun a den hirhiar. Asinain, nikhat hnu nikhat in, a thinhunnak cu a hun tei
khawh deuh tikah, nikhat hnu nikhat in a thirkhenh mi zat cu ṭum chuk deuh
lengmang ve. Cu tikah, cu hauhruang kulhnak thing cung i, thilkhenh va dennak
cun, a thinhunnak i sum hmanh cu, a caah thil fawi deuh a si caan zong a hun
phan.
Adonghnak
ahcun ngakchia pa nih a thinhunnak lukmalak te ah, fawi le bai tein a hun tei
khawh. Cucaah a pa sinah thirkhenh a herh ti lonak kong cu a va chimh.
A
pa nih cun, "Si cun, ka fapa, atu cu na khenhmi thir vialte hna khi va
phawi ṭhan dih hna," tiah a fapa cu, thirkhenh vialte cu har le fe in a
phawiter ṭhan dingah a fial ṭhan. Ngakchiapa nih cun nikhat hnu nikhat duhsah
tein thirkhenh cu a phawi lengmang. Cuticun, an zapi tein a phawi khawh dih hna
ni zong cu a hung phan. Khi tikah, "Kapa, ka phawi khawh ding cang,"
tiah a pa cu ngakchia pa nih cun a chimh.
A
pa nih cun a fapa cu a ban tein a hruai ceomo i hauhruang lei ahcun a kalpi. Thingpi
hmai ahcun an pahnih in an dir. A pa nih cun, "Ka fapa, hi thing hi ṭha
tein zoh hmanh! A soisam le muisam zong aa dang dih cang ko lo maw? Zeitik
hmanh ah a hlan a rak si bantuk khan a si kho bal ti lai lo. Cu ve bantuk cun,
na thinhun bu i bia na chim tikah, mi nunnak ah hi bantuk hin dawh hma le rung
na chiahtaak hna cuh. Mipa cu biaṭha loin na ti sual hnga i, ka ngaithiam na ti
men ko hnga. Asinain, a lungfahnak hma le rung cu hi bantuk in an um
thluangthluan lai. Cucaahcun, hi hnu cu na thinhunnak hi fek tein tei i zuam
law, lehrulhnak ah na khulrang tuk hlah. Aneh hnu ah fak tukin naa ngaichih
sual lai," tiah a pa nih cun a fapa cu a chimh.
