"Hrapkhat
Duhdawtnak"
Kei duhdawtnak ca,
par ṭil hlun si ai hmanh maw
Tlem thotho minu,
Kei ka zawn na hun
ka ruat tawn ti hnga maw?
Lungthin nun telh
lo, ruahnak kil te hmanh ahkhin,
Hun hngalh ṭhan ka
si tawn ve hnga maw?
Tuzan, hi ruahnak
he,
Zuunngaih lungcuai
in ka nun ka beng...
Ka mit hun zoh kho
ṭhan law ti ka va duh dah!
Kan ngaihnak, kan
hlamnak, kan dawtnak
Tling tein na hmuh
co lo zongah, na zaang tal raam hnga?
Cucu, liamcia
ruahchannak na rak ka pekmi kha,
I tlaih in, i
ruahchan in,
Duhdawtnak sullam
pek kaa timh si sual hnga maw?
--Hrapkhat
duhdawtnak sullam...
Ṭian lai biacah,
lungthin a hiar lio ahkhan,
Nang, na lung hmun
dingin bia ka tiam khawh lonak,
Atu hnu tiangah,
ka lungthin caah fahnak hmepe!
Tuzan,
Hi caan theng te
ahhin
Ka reikiang um law
ka duh dah:
Ka thinlung hi ka
awn hnga;
Zeitluk in kan
sian lo, kan tlaihchan
Kan duhdawt le kan
sunhsak hi tling tein kan hmuhsak hnga!
Hmanhseh, minu
Mitthli le
Zuunngaih
ngaichiatnak dah ti lo
Hi nun,
A sunhsaktu an um
ti lo.
Cinken nenawi dah
ti lo
Hi nun ca'h
zeidang a sunglawimi um ti lo:
Ka ṭap
ruangmang...
Hi ka tuarnak na
hngal hlei lo,
Na thei hlei lo,
cun na theihhngal mi asi bal ti lai lo.
Ka biang cung
mitthli i hnawt in,
"Kan
ngai," ti biathli ka chim,
Liamcia caan ruat
in hmailei caan ka nuarpi...
