Vawlei in Sermi Mipa
© Van Ceu Lian
Mipa nih thil lianngan pahnih a ngei hna:
'Nunnak' le 'Thihnak' an si.
Mipa cu thihnak sinin a zammi asinain;
Zungzal in, nunnak a dawi kho lo.
Hnu le hmai, chak le thlang, ai let
Keh le orh aa her; sullam a hawl.
Caan a hmuh: cucu Nunnak le Thihnak nih,
mipa huai loin an i chuh mi a si.
Caan nih, mipa a zeizong ti ngawt in a pawi;
Din loin a hmangtu cu mipa a si.
Sullam a hawl a thotho rih, a ngol lo.
Kutcang rel awk tein caan a tan ni lawngah,
Mipa nih hi thil hi a hmuh:
Hi vawlei ahhin zeihmanh an hmun lo.
Cun, tlawmpal ah a philh tthan.
Sullam hawl bal a ngol i,
thaizing sinah lai a rel lo.
Arak hawlmi sullam nih a min bal an vaihpi;
Anih cu hawi ngei loin vawlei ah a kir.
