"Hi Vawlei Khaat A Zual"
Lang lo hri-ring aw sin 'lai'
Lung nih thlop lo ngaihchiatnak 'hli'
Fak tur mai in kai uai pi
Thihnak vawlei a cul cang ka bang:
Hi nun ah,
A sunglawimi thil ka hmu, hmanhseh
Ka co lo!
'Khi' nun ah van-hri phiak in lai ka leng,
Kai tthangh sinin nun a mui,
Hi vawlei khaat hi a zual.
Catlap tlum lo zal awih in,
Lam hraat ai zul--keneh hmanh biang lo.
Mitthla fang he ka dawpmi kutpi,
Ka thaisung a si lo zia ka fian.
Hi vawlei khaat a zual.
Chimthli a paw, biathli a leng
Ka lung, nahchuaknak nih a rawih
Tum Tling vuikhat in nawn ka duh!
Hi vawlei khaat a zual.
Nunnak kong ai ruat ti lo;
Thihnak sapel in ai pel,
Mang manh dai in,
Ka ha kaa seh
Hi vawlei khaat a zual.
Thaizing ka pheo lai,
Nihin ka deuh lai,
Nizan chiat ka serh lai,
Hi vawlei khaat a zual.
