 |
| Zuun |
"Thinlung Inn TTha Zuuntuarmi Minu"
Minu cu adai.
A thin domh buin,
"Kha lio caan kha ka ngai...
khirh awk a tthatlo maw ka thin!"
timi biazai a vam.
A lu chung um tuanbia nih atuai.
Anuamhnak le a sunlawinak in arak hmanmi
a no lio tuanbia nih avah hnawh:
"Kha lio caan, cinkenmi an can te dingin ka rak
hman ttung hna lo; nuamhnak in pei ka rak
hman hna," tiah amah le mah aa thlem.
Hihi ka hmuh ati:
"Thinlung aa nuamhnak hmun cu 'inn' asi;
kha caan thinlung nuamh lio, nun arak
sun ttung; atu thinlung lilen hnu, kha inn kha
ka ngai," ati, i a ttap.
'Inn' a timi hi zeidah asi?
Minu a thinlung a nuamhtertu 'inn' hi zeidah asi?
Lehnak: A sungmi hawikom. Um, hawikom.
A sungmi a caan. Hawikom le caan.
Minu cu adai.
Amah le mah ikup in,
"Hawikom an liam...kha caan ka khirh kho tilo...
Atu, inn ngei lomi ka si," ati. Fak piin a ttap.
Minu nih a thinlung ahngalh.
Thinlung nih inn a herh:
Athlummi rosung tuanbia aa ttialnak 'inn' ttha.
