"Lairam Par"
Ka Pi awaan cu zainem asi.
Lungduh biaro in vuihtaak lang aka ti.
Hi bialung hi aka roh:
"Kum le khua idawi ai kun
ni le thla liam kun hna;
chantiluan na dawi tik,
lei-nak, lei-pawl, lei-raang na lamh tik zongah,
Lairam Par ttawh philh te hlah!"
Nawl aka pek.
Tuah hrimhrim awk dingmi nawl aka pek.
Lairam Par cu zei asi?
Chokhlei maw?
Dingdi maw?
Senri maw?
Vauruang maw?
...
Zeidah asi?
Lei-nak, lei-pawl, lei-raang ka lam.
Atu lei-raang cungah ka um.
Chokhlei, dingdi, senri...khoiah an um?
Lehnak. An um lo.
Ka kawl hna...an um lo.
Ka Nu, "Khoi ahdah Lairam Par timi hi an um," tiah ka hal.
--"Cu hmanh maw na theihlo!
Akung hi nangmah na si. A par cu na thinlung
in a hung chuak ding asi.
Nangmah akung na si hmanh naa hngalh lo ah,
zeitin apar cu na hmuh lai," aka ti.
Nizan tihni ahkhan ka thinlung ah par a biang.
Ka Pi 'Lairam Par' timi asi.
Zingnu lairel:
Ttawk ning hi Par.
