"Kan Buaipi Mi Vawlei Nun"
Chak le thlang kongah kan i sul, kan i nan.
Cung le tang kongah kan i cil, kan i cer.
Nu le pa kongah, pa le pa kongah, nu le nu kongah,
kan hrut; kan vawlei zong ahrut chih ve.
Tarnu, tarpa dawtnak tuanbia hna an rawkral, an tlau.
Seino hna nih zeihen kan kawl? Lung maw?
Biaknak kongah mang-khawng kan chia; a nanhmi
paoh hauka in hnon an si, siphai nih akan fenh.
Fimthiamnak kongah hmur asau, lei a nal.
Thluak ah hnawm aa neh, fimnak nih vawlei a deuh.
Zohhmanh! Hi kongah ka U he kan buai!
Hitihin kan buai:
Mipa in kan thok i ram ah kan riak,
vawlei ram in kan hel i, kan hmuhton bal lomi
vanram nun hmanh kan tep ti awkin, vanram kan phai.
Kan bia dih hlan ah hitin ka chim:
"Minung hi kan mak ve! Zei ahdah buailo buai kan buaipi?
Hihi hruh thil ngaingai asi ko! Aza. KEI cu kaa NGOL!"
-"Dai!" aw thawng nih aka tlerh.
"An paoh nih an ibuaipi ciomi asi," aka ti.
Sihmanhseh, kei cu aka simh;
a buaimi vawlei nun nih aka simh...
Ka thluak hlawt ka duh, ka thinlung demh ka duh.
Ka fiang: abuaimi vawlei nih arak ka simh.
