"Ka Lungchung Tuanbia"
Nah achuak lomi nun khi zeitik ahdah ka hruai te lai?
Hi biahalnak hi zeiruang ah ka phai hngalh ka duh!
Ho tel aka chim kho an um hnga maw?
Chak le thlang in hrang, thliherh nih hitin aka chimh:
"Mi sinin tamtuk naa ruah, naa awih
Mi cungah sangtuk naa hlorh, na vuan
Mi sinin tamtuk naa pheo, na buar;
Atu, vawlei ah na cing, na hrulh..."
Hi chimthli nih dah ngai, ka nun apurh, ka tawne tiang.
Hi zong hi aka chimh nolh rih:
"Pe! Na lungduh mi"; ka lung duhmi cu zeidah asi?
Mi sinin duhdawtnak le cawisannak hmuh hi asi maw?
Si, asi!
Cucu zeitin ka pek khawh lai? A ngeih hmanh ka ngei--?
tiin ka buai, kaa hnok. Ziah?
Ka pekmi ruangah afakmi an um.
Hihi ka hmuh:
"Tamtuk in hal hlah, tamtuk in pe hlah."
"Tamtuk in ruat hlah, tamtuk in tum hlah."
"Tamtuk in tuar hlah, tamtuk in pheo hlah."
Hihi kaa chimh:
"Tamtuk in nung hlah ning; tamtuk in thi hlah ning."
Hihi zei sullam?
Ka thei lo! Tlinh ka duh bikmi nunnak sinak le sining pakhat;
tuzan mang adih sin thaizing ah kaa thawhpi ding.
Nah achuak lomi nun hruai dingah,
Hi biahalnak leh a tong maw?
