A Rawkmi Duhnak Tuanbia

"A Rawkmi Duhnak Tuanbia"
© Van Ceu Lian

Thinhunnak nih ahliamh cangmi minu,
a thinlung cu a vai cang, ahlatnak ah,
kei, kawhtu men, awaan in ka khuan lo ah,
theih ka tong hnga maw, minu hnathlam hmanh in,

Ngaih duh lomi bialung hna cu lungkhartu men;
a thinhung cang minu caah zumhnak aziam,
pehtlaihnak timi cu catpeh hribeo tluk:
a thinlung duhnak lamthluan a ding tilo,

Sual ka phaw lo. Palh ka serh lo.
Sianlo awaan thlavai kiang in ka hlawinak tu;
hmanhseh, minu lung ah hlah, ruahnak hmanhah,
a biangmi ka si ti lai lo, kei palhthak

Duhnak he ai rak cawmpawlokmi sivangh nun hruai in,
Duhnak vawlei ah ai dap cuahmahmi kei;
minu duhnak vawlei ah 'Ni' kaa zaa ti lo,
ninu a liam ruangmang, nitlak leiah

Thlizil sinah maw ka holh mang sin ahdah;
minu nih aka thei kholo; a thinlung, huatnak vawlei
ah hmun, kei, duhnak vawlei ah hmun hmanh ning,
kan ihlat cang, thinhunnak nih a kan hlat cang.

Ruahchannak? Ka herh tilo. Ahau tilo.
Dawtnak? A zum tilo, a tlaihchan tilo.
Sicun zei? Lehnak -- ka theilo, ka theilo.
Zaangfahnak athiam ahcun ngaihthiamnak he a ka ton te lai...