Mipa pakhat cu, amah he Miles(Meng) 200 dan aa hla i a ummi a nu pangpar kuat dingah, pangpar dawr ah pangpar cah ah a kal... A motor in a vun chuah bakah zalam tlang-kilkam i ik hliahmah tein arak ttapmi nungakchia te cu a hmuh. A vung kal i zeidah cang tiah a vung hal.
Nute nih cun,"Kanu caah rose par senmi cawk ka duh tuk hringhran. Sihmanhsehlaw ka tangka nih a zawh lo; pia 75 lawng ka ngeih," tiah a vun leh.
Mipa nih cun a merh bu te khin, "Keimah sin ah ra. Rose par cu kan cawk piak lai," tiah a hei ti i dawr chungah cun an kal.
Nute caah cun pangpar cu a hei cawkpiak, i a nu kuat ding zong kha a cah(order) chih. I lawm ngai in dawr an vun chuah ahkhin mipa nih cun nute cu, "Rak ra hih! Kan thalh pah lawlaw lai," tiah a hei auh. Nute nih cun, "Kaa lawm! a ti i azulh. Nute nih cun, thlanmual lei ahcun a kalpi, i a nu thlan cung ah cun rose pangpar te cu a vung chiah.
Mipa cu a rannak in dawr ah a va kir tthan ve i, kuat awk i order a chiah mi kha a let tthan, i pangpar ttawm a cawk i meng 200 dan a ummi a nu sinah cun a vung kal.
Hmuhsakmi: Nunnak hi a tawi. Cucaah cun, an duhdawtu le an zawnruattu minung he caan tampi hman i zuam. A tlaituk hlan ah zeipaoh tuah i zuam. Chungkharnak thisa nakin a ngan deuh mi zong um ti lo.
