Tuanbia pakhat nih hawikom pahnih thetse ramcar lak i an khualtlawnnak le an vahvaihnak kong a ttial: Hawikom pahnih cu tthetse ramcar lakah khual an tlawng. Cu ti an kal pah cuahmah lio ahcun bia an i el pah len, cu ahcun, a hawi pakhat deuh pa pakhat nih a hawi pakhat cu a hmai ah a bengh diam ai.
Bengh ai huah mi pa cu fahnak a ing ko, sihmanhsehlaw zeihmanh a chim lo. Thetse cung ah, "Nihin ah ka hawittha bik nih ka hmai ah a ka bengh," tiah a ttial.
Cuticun, thetse ramcar lak i tidil(cerh) umnak lei ah tak vaa khawlh awkah an kal. An phanh tikah, takkhawlh awk ahcun tidil(cerh) chung ahcun bengh ai huah mipa cu a ttum. Hmai bengh ai huah mi pa cu nawncek nih a dawp, i a pil hnik; a chuak kho ti loh. Cu ahcun, a bengtu pa a hawipa nih cun a hei dawh i, a chuah khawh. Zeihmanh chim loin, "Nihin ah ka hawittha bik nih ka nun a ka khamh," tiah Lung cung ah ca a ttial.
A bengtu pa le a khamhtu pa a hawipa nih cun bia a hei hal, "Fak piin kan bengh hnu ah khan, thetse cung ah ca na ttial, ziah tu hi na Lung cung ah theng ah na ttial?" tiah a ti.
Bengh le khamh tongmi pa nih cun a leh ve i, "Mi pakhat nih fahnak le harnak a kan pek tikah, thli nih a hloh i ahnawh khawh mi thetse cung ah kan ttial awk, a si. Sihmanhsehlaw, mi pakhat nih kan ca tthatnak a kan tuah piak tikah, zei bantuk thli hmanh nih a hloh khawh lo nak ding lung cung ah kan ttial awk," tiah a leh ve.
Hmuhsakmi: Hawittha ngeih hi a sunglawi bikmi a si. Na hawi le remlonak le tlamtlin lonak na ton tikah, "Nan i hawikomhnak kha tan le kaltaak tim loin, nangmah naa uahnak le ruahnak ttha lo tu kha tan in kaltaak hna; cuticun, tlamtling mi le siam a tling mi hawikomhnak cu na hmuh lai.
