Dum pakhat ah Meheh 2 an tlawng tti. A ngeitu nih a kawl le lak fawi hna seh tiah hri pakhat hmang in an hngawng ah a ttemh in akhimh hna. Cuticun, dum ngeitu pa cu rian herh tuah awkah hmundang ah a kal.
Cu Meheh 2 cu an rawl a hung ttam ai. Rawl ei awk cu dum tlang kip ahcun an hun kawl. Meheh pakhat nih khat lei kal a duh, i pakhat nih khat lei kal a duh ve. Pakhat nih keh-lei a ti ah pakhat nih orh-lei tiin an um. Cuticun, anmah le anmah cu an idok i an isu pah len.
An hngawng hri nih le ttawl kaw, zeitik hmanh ah a cet ding si ti lo. Cuti an i dawh lengmang tik ahcun zeitik hmanh ah a ei kho ding an si ve ti lo. Chun lai cer hrawng khin cun an tha hmanh khi a hung dih pah cu.
Ruah lo piin cu Meheh cu an 2 ning in lei rawn ahcun an i bual. Tlawmpal ah an tho i hmunkhat te ah an kal tti. Cuticun, an pa an i khimh kho i, an duhduh an ei kho.
Hmuhsakmi: Lungrualnak um lo cun zeihmanh hi hlawhtlin khawh a si lo.
