A hlan ah..., tuhmawng ngan pi chungah a fim-zer ngaingai mi Sakhi pakhat arak um. A fimthiamnak cu aa Sakhi... uang pi ngaingai. Cun, midang kha/khi zeirel loin a um hna. A nihsawh menmen hna. Amah kha a fimbik, thiambik, hngal bik ah aa ruat zungzal.
Nikhat cu, nidang tawn a vahvaihnak tuhmawng he aa dangmi hmun ah rawl kawl ah a vak. Cuti lampi a kal pah ahcun, a hmai ah tiva ngan ngai pakhat arak um. Cu tiva a tan lo ahcun, khat lei ralchanh ah a chuak kho ding asi lo caah, cuka tiva cu a tan. Tiva cu duhsah hnuamsam tein khin, a tan.
Tiva in a vun chuah lai bak ahkhin, Tisertlam nih a cakeh-lei-ke in a tlawh buk ko. Heh! tiah amah si khawh tawk in a choi/a per len nain, Tisertlam nih cun a thlah, a thlah ruam ti lo. Ka thi cang ko ne lai hih teh tiin khua a ruah lioah, a thluak chungah ruahnak pakhat a um.
Aa thawh i "ka kawi tisertlawm, um rih...um rih... ka ei rih hlah. Hi tluk ka keh-lei-ke a derthawm mi hi na ei duh ko lai maw?, tiah a hei ti. Cun, a nolh tthan i " ka Kawi, ka keh-lei-ke nak cun ka orh-lei-ke hi a thau deuh lo maw?, tiah a ti tthan. Ka keh-lei-ke cu thlah law, ka orh-lei-ke hi kan ei ter lai tiah, a hei ti.
Tisertlam pi nih cun, a chimh mi a zumh caah a keh-lei-ke cu a hei thlah. Sakhi te cu lo ko in tlang lei ahcun a kai i "Mihrut, hlen zumh! tiah Tisertlam cu a hei au hnawh. Anih sawh in a serhset.
Ka fim tuk, ka thiamtuk tiah aa ruah. Duh tawk in mi ka hlen khawh tiah aa ruah.
Nikhat cu, a khulnuar taktak mi Cangkeuh kha lampi ah a ton. Cangkeuh cu a hei thawh i " ka Kawi, tlik i zuam tuah usih," tiah a hei ti. Cun, " khi tlangpang tang i chuncung-bo te khi ka donghnak si lai," tiah ahei chimh.
Sakhi nih cun tli usih tiah a vun ti ahkhin " Cangkareuh nih cun, nang khi tlangpang tang chuncung-bo khi na donghnak ah naa thim..., kei cu...a vun ti i... A hmai ahcun, donghnak hmuhsak awkah thlaimi aa-lan(goal/destiny- flag) cu a bunh. Sakhi cu a thawh i " ka kawi, kan tei...na sung tiah a ti."
Sakhi cu lungtlin lo zah-ceo , thinhun zah-ceo he nuam lo ngai in a kal...
Hmuhsakmi : Zeitik hmanhah, ka fimbik, thiambik, hngalbik, thawngbik...ti-ah i ruat hna hlah usih, Kanmah cungcuang minung an um kho ti hngalh peng hna usih law, toidor nun ngei hna usih.
