A hlanah, mi ziaza ttha lo ngaingai mi siangpahrang pakhat arak um. Aram cu ziaza ttha lo ngai he a uk caah, Miporhlaw Siangpahrang Le Ngakchiapa ramchung um minung nunnak cu a har ngaingai. Zaangfah-Dawtnak zong a ngei lo. Siangpahrang asi caah, a fimbik le a thiam bik ah aa ruat. Zeizong te thei kho dih tiah aa ruat. Cun, palhnak ngei lo ramchung minung kha hramhram in thil tuahter a hmang ngaingai.
Nikhat cu, nawl pakhat a chuah. Cucu, "Ka ram chungah, keimah nak fim an um hnga? Ka ramchung mifim vialte chuak dih tuah ulaw; kan i zuam tuah hna lai," ti hi asi.
A ralkap cu a pumh hna i, Amah he fimthiamnak zuam awkah a ramchung mifimbik timi kha a kawl ter hna.
A ralkap pawl nih cun, ngakchiapa pakhat a sinah cun an rat pi i "bawipa, ramchung mifimbik cu kan rak put cang," tiah an ti.
Siangpahrang pa nih cun, zumhteih phun nawn te khin aa thawh i " hi bang ngakchia... ka hmai ahcun nan rak chuah pi, tar fim deuh pawl tah an um lo maw," tiah a hal hna.
Ralkap pawl nih cun an thawh i "bawipa, hi ngakchia pa hi, mi sawhsawh asi lo dahkaw," tiah an ti.
Siangpahrang pa nih cun aa thawh i " asi ahcun, ka hmaiah rak rat ter kun uh, tiah a hei ti hna." Ngakchiapa cu siangpahrang pa hmai ahcun akal i siangpahran pa nih cun hri a pek.
"Siangpahrang pa nih cun catlap kau nawn cung i suaimi cakei-zuk cu a hei lak..." Siangpahrangpa nih cun ngakchiapa cu a auh i " kaa hin dir law, hi hmanthlak chung i cakei hi naa put mi hri khan a hngawng ah hei khit tiah," tiah ati.
Hi thil a tlam na tlinh lo ahcun dan kan tat lai, tiah a ti.
Ngakchiapa nih cun aa thawh i "siangpahrang, hi cakei-zuk a hngawng in hri ka khih khawh nak ding caah, thil pakhat kan tuah ter ve lai, i, cu thil na tuah khawh lo ahcun kei zong nih, na ka hal mi ka tuah ve lai lo," tiah a hei ti ve. Siangpahrangpa cu a hna tla.
Ngakchiapa nih cun, siangpahrang pa cu a thawh i " si cun, hi cakei-zuk hi nangnih a hnu lei vun tthawl law kei nih a chuah hngap bakin a hngawng cun ka khih lai tiah," a ti ve.
Siangpahrangpa nih cun "hi cakei-zuk cu, zeitin kal/tli/ i tthial kho seh na ti," tiah ngakchiapa cu a au hnawh.
Ngakchiapa nih cun, athawh ve i " na chuah ter khawh lo ahcun zeitin ka khih khawh ve lai," tiah a leh ve.
Ngakchiapa cu dantatnak in a luat pinah, mi porhlaw siangpahrangpa cu ningzak in a um.
Hmuhsakmi : Midang nakin fimthiamnak ah siseh, thazaang ah si kan thawn deuh tikah , asi kho lomi thil kha tuah ter hna hlah usih.
