Ni khat ah Cenghngia pakhat rawl kawl ah a kal i thingpi hram ah cawng a rak thai len komi arpi pakhat a hmuh. Ka seh lai tiah a pel lengmang. Ka nam lai a ti lioah thingkung cungin a theih bal lomi va awnh a theih i va nganpi a si ttheo lai, ar tu hi seh lo in vapi tu cu ka seh lai, tiah thingkung cungah cun a pet i ar cu a thinphan in a tli.Cenghngia cu thinkung cungah cun heh le heh tiah akai. Thingkung cungah cun a pet lengmang. Va nganpi a si rua tiah a nam tikah vate nih cun a zuantak i pakpalawngpi kha a nam. Arpi zong tlaih dok lo, vate zong tlaih dok lo, thaam lakah aa tham. Cenghngia nih keimah hakkauh tuk ruangah a si.Zanriah lo tein it ko ning, a ti i rawlttam in zan khuadei aa lawngvang.
Biafang sullam :
Dok - tuah khawh dengmang ttung i tuah khawh lo ti a si.
Thaam - pakpalawng ah a cang tinak asi.
Lawngvang - har ngaingai in a um khi asi.
Cucaah nannih zong nan hmuhmi cungah i lungsi ko u. Tam deuh hmuh nan duh ruangah thaam lakah nan i thaam ve sual lai i "A ruh tum hlah a hang na hap lai," ti na chuak sual lai.
