A hlanah sakap thiam ngaimipa a rak um. Ramlak i a kal fate tthuro a tlaih lengmang hna i bawm chungah a khumh tawn hna.Cawk a duhmi paoh sinah a zuar tawn hna.
Ni khat cu tthuro pakhat a tlaih i a hlan tawn bantukin a hawi, sinah cun a vun khumh ve.Tthuto a cheu cu khuazei in dah chuahnak a awn lai tiah an verh, an khawih, an pet, an zuang, A cheu cu rawl an ei i nuam tein an tthu. Asinain tthuto pakhatte cu bawm chung a phak le cangka tein rawl zong ei lo, chuahnak zong kawl loin a um. Zeitin ka tuah ah dah ka luat khawh lai, ti khua lawng a ruat.
Sakap thiampa nih cun mah tthhuro tual cu rawl a pek hna i tthuro pakhat cu rawl zong ei lo, chuahnak zong kawl lo tein dai tein khua a ruat i a to ko.Sakap thiampa nih cun, " Mah ka tthuro hi a dam rua lo.Ka chuah lai i a lengah ka umter lai." a ti. Bawm ka cu a vun hun i a vun tlaih.A tlaih zongah cawlcang lo tein aa chit ko.Sakap thiampa nih cun. " A dam ngaingai lo hi ta, zuan zong a zuang kho theng lai lo, " tiah thingpar ah a hei chiah.
Thingpar cung i a hei chiah cangka te cun tthuro te cu a tha dih umnak in lopher a zuang i sakapa kut cun a luat.
Nannih zong nan ram le nan miphun caah rian nan ttuan tikah nan i tinhmi kha nan tuah khawhnak lai ei le din lawng silo, chawh le vah lawng si loin nan lungtak tein nan ttuan lai. Nan miphun nih tthanchonak an hmuh khawh nakhnga le nunnuam tein an nun khawh nakhnga a fimmi tthuro te bangin nan fim ve ahau. Cuticun nan i tinhmi ram cu nan phan kho lai.
