Minung hi mah lawng in a nung dingah ser kan rak si lo. Hawi he khuasa ding le tthudir tti dingah ser mi kan rak si. Asinain, mah lawng um dingah ser mi kan rak si lo bu ah, caan tampi ahcun kanmah lawng in kan um caan hi a hau tawn.
Ka pawngkam minung ka huat hna ruangah hawi sinah ka um lo a
si lo.
Ka pawngkam minung ka rem hna lo ruangah hawi sinah ka um lo
zong a si lo.
Ka pawngkam minung ka in khawh hna lo ruangah hawi sinah ka
um lo zong a si lo.
Ka pawngkam minung ruahnak ka duh lo ca zongah hawi sinah ka
um lo a si lo.
Ka pawngkam minung sining le dirhmun ka hmuh thiam khawh lo
zongah hawi sinah ka um lo a si lo.
Caan tampi ahcun, keimah lawng in um ka duh tawn.
Aruang cu, hi bantuk mah lawng um caan ahhin pumpak caah
khua aa ruat kho i thil aa tuaktan kho.
Mah sining le dirhmun zong zohtthannak le hngalh tthannak a
ka pek khawh. Ka thazaang laknak pakhat a si.
