“Nunnak
Zalam”
Nunnak
zalam zawh lo, thihnak ramri chungah,
A cheu,
tlang lo ni bang an liam tawn,
A kik
chamraang vawlei nih ei tawn hna.
A cheu,
thihnak ramri lawnh in nunnak zalam hrawng,
Cerlian
kutnem nih lum ngai muai tawn hna,
Thinlung le
ruahnak sinah caan nung tawn.
Nun man a fak,
nun zalam man a kai:
A cheu
hneksaknak sinah an tlu,
Par ṭil
bang rim le ra he an uai;
A cheu hneksaknak
hmai ah an dir,
Chuncha
bang i samh in an dir.
Siseh,
A hohmanh
nih ‘donghnak’ kan tei lo.
Kan hngalh
nain kan philh tawn mi:
Tuanbia he
a chuak mi kan si lo,
Tuanbia ṭial
ah a chuak mi kan si.
