“Dandelion Par”
Thlizil kik sim lam Dandelion par dawh,
Nitlak lai muici nih a hun tuam khi bang,
Thlavai kiang in ka nunpi mi ka thinlung chungah,
Tlau loin, piang ttung loin naa sem.
Chim ka duh ttung mi, ka phan ngam ttung lomi bia:
“Kan duh, kan uar, kan dawt.”
Caan rel ve ding ka tumtah ttheo mi, ka canh ttung lomi:
Hmunkhat ah duhnak biaphai tti.
Dandelion par dawh, zaanttim vanlai vaar thlatang khi bang,
Thlizil sinah bel ah, meici ttio bang in a ttio mi par,
A dawitu thlizil sinah aa dawhnak a lamtertu,
Khi par khi kei ka caah cun na bang.
“Philh kaan duh, philh kaan zuam lai” timi bia pau,
Ruahnak in thinlung tiang i a hei tlerh tikah,
Lilennak sinah thil pakhat ka fian:
A ngeih hmanh kan ngeihmi na si lo;
Nain, a uar cu kan uar, hrapkhat duhnak.
Dandelion par, naa dawhnak biathli hi zeidah a si?
Nitlak lei hoih in thlizil sin i meici ttio bang in lam khi
maw,
Hninhno ramcung i vanlai thlataang nu bang a cer muisam ken
khi dah?
Vui zeizat hmanh in hmu-tong ning, ka chim ngam ttung lai
lomi bia,
Tuzan, a tlai zaan i a vaar mi thlataang nu tang le,
Piang loin a cer mi Dandelion par ruat in, chimh kaan duh:
“Kan uar.”
