Australia ram Tangka le a tuanbia
1788
kum i New South Wales timi ram tlaknak a hun i thawknak ruang ahhin ram chung
hmanmi tangka a um a hauh nak cu a hung biapi ngaingai. Sualphawt (thongtla) simi minung
nih hin nihlawh hi hmuh a rak si lo i hlanken ram-vahtu (First Fleet) pawl hna
le ralkap pawl hna hi zapi hmuhmi nihlawh chungin an herhbau mi bawmh an rak
si. Hmasabik ram-vahtu (First Fleet) pawl nih hin mirang (English) le ramdang
tangka pia hna hi tlawmte lawng an rak i luhpi caah, thil le ri he an i ṭawlrel
tik ahhin, a cawk in i cawk timi nakin, a thlen in i thlen tu hi an rak hman
deuh mi a si i, a hlei in zu hi cu bantuk thil tlennak ahcun rak hman cem mi a
rak si.
Tangka
tlap hna hi kut in ṭial an rak si tawn i, cu hnu ah cozah nih fehter a rak si
tawn, i cu pin ahcun mirang ngunkengtu (English treasure) nih a hnatlakpi tawn
mi an si. Cucu, ram chung ah an rak hman ngaingai mi an si ve bantuk, fawi tein
a deu mi le tlaklo mi zong chuah khawh a rak si ve hoi. A tuan cem ram chung
tangka hman mi hi Mirang tangka le Spain dollar an rak si i, cucu hawihlan cem
i tilawng in a rak lutmi pawl nih an rak i luhpi mi an si ve. Cu bantuk tangka
pia cu an tlawm tuk caah, Governor Macquarie nih hin cu a ummi zat tangka pia
paohpaoh cu an laifang in a rak vih ter dih hna i, a hnu ahcun ‘tangka kua’
(holey dollars) ti zong in kawh-auh an hung si ve, i cu ve bantuk cun a laifang
an vih mi cu ‘dump’tiah kawh a rak si ve. ‘Five Shillings’ timi hi tangka-kua
ahhin nam chih an rak si i, kapkhat lei ah ‘New South Wales 1813’ timi zong hi
nam chih a rak si. Cun, a laifang vihmi cung paoh ahhin ‘Fifteen Pence’ tihi
nam chih an rak si ve, kapkhat lei ah ‘New South Wales 1813’ timi zong cu nam
chih a rak si ve. Shilling le pence timi hlan deuh lio tangka an rak hman ning
cang hna a si. Pound 1 ahhin shillings 16 a um.
1817
kum ahhin Bank of New South Wales timi dirh a si. Hmasabik tangka chuah mi
chung ahhin shillings panga, shillings pahra, pound pakhat le pound nga, cun catlap
in ken mi ahhin shilling pakhat, shilling pakhat and pence-paruk, shillings
pahnih le pence-paruk hna hi an rak i tel. 1825 kum ahhin British cozah nih
‘ngun tangka ninghmang’ (sterling standard) hi amah ram chung le a penmi ram chung paoh ahhin hman dingah nawl a chuah i, cu ve bantuk cun Australia
ram zong ahhin Mirang tangka pia hna cu ser an rak si ve.
1901
kum hi Federation kum ti zong in hngalh a si i, cucu Australia miphun pakhat
dirhmun i a hun dir ni zong a si. Hi tiang ahhin British ngun le dar sen
tangka-pia hna hi hman an rak si ko nain, 1910 kum ah Australian Commonwealth
ngun tangka-pia hi hman hram an hun thok ve hna. Cun, 1911 kum ahhin, dar sen
tangka pia zong hman an hung si chih. Cu hnu ah, 1913 kum ahhin, hmasabik
tangka tlap pawl cu ser chuah an hung a si, i cucu hlanken i British cozah
‘sterling’ ninghmang kha zulh in ser chuah mi an hung si.
Pahra
lengmang in ṭhen mi tangka hman ningcang (decimal currency) hi 1966 kum
February 14 ah thar chuah a si ṭhan. Tangka-pia thar hna cu ngun le dar sen in
ser an si. 1996 ceo ahhin cu bantuk catlap tangka pawl hna cu ‘polymer’ timi
plastic phunkhat ahhin thlen nawn an hung si ṭhan. A ruang cu catlap cu fawi
tein dehcawh khawh mi deu ter khawh mi a si caah a si. Cu bantuk tangka a ser
tharchuah tu ‘seh’ technology zong cu Australia ram chung lila ah ser mi a si.
Pia 5, pia 10, pia 20 le pia 50 pawl hna hi 75% dar sen le 25% suan in sermi an
si hna. Fangkhat pia le fanghnih pia hna hi 92%, 6% aluminium le 2% suan in ser
an si ve i, sui tangka pia ti zong ah auh an si tawn.
•
$100 tlap cung ahhin, vawlei pi nih hngalhtheihmi Dame Nellie Melba (1861 –
1931) timi hlasak
thiam
minthang nu, le, ralbawi zong a si i engineer zong a simi General Sir John
Monash (1865 – 1931) hi an cuang.
•
$50 tlap cung ahhin David Unaipon (1872 – 1967) timi, Aboriginal caṭial thiam
le thil ser thiam, le, Edith Cowan (1861 – 1932) timi, a hmasabik Australia
ramkheltu nu an cuang ve.
•
$20 tlap cung ahhin Rev. John Flyn (1880 – 1951) timi, Royal Flying Doctor
Service thoktu, le, Mary Reibey (1777 -1855) timi, hlan i thong rak thlak mi le
chawlehthalnak ah hmaisaitu simi an cuang ve.
•
$10 tlap cung ahhin A.B (‘Banjo’) Paterson (1894 – 1941) timi, biazai phantu,
Waltzing Matilda timi le Man from Snowy River timi ṭialtu, le, Dame Mary
Gilmore (1865 – 1962) timi, biazai phantu le nunphung sersiamtu hi an cuang ve.
•
$5 tlap ahhin Queen Elizabeth II, le Parliament House an rak cuang ve. A thar
in ser chuah mi $5 tlap cung bel ahhin cun Sir Henry Parkes (1815 – 1896) timi,
ramkheltu zong a si i Australian Federation zong a rak suaisamtu simi, le,
Catherine Spence (1825 – 1910) timi, caṭial thiam le nu a rak ṭanh ngaingai mi
an cuang ve.
Australia
tangka pia paoh ahhin Queen Elizabeth II zuk hi an cuang dih. Amehbelte, $2, $1
le pia 50 pia kapkhat lei paoh ahhin an cuan ter mi an thlen lengmang tawn, an
sunlawih mi cherhchan in.
$2
pia hi 1988 ah ser a rak i fang hnih ca tu hi an rak hlawt. Hi cung ahhin
Aboriginal phun upa, Southern Cross le kokek ramkung hna hi an rak cuang ve.
$1
pia hi 1984 kum ah ser chuah a rak si i fangkhat ca hi hlawt a rak si ve. Hi
cung ahhin Kangaroos timi Australia kokek saram hi an rak cuang ve.
