Chuncha Bangmi Nun

"Chuncha Bangmi Nun" 

Lungretheihnak le ngaihchiatnak puan kik tang i um lio ah, ruahchannak ttha hi nung sehlaw,
Thinphan le thlalau nak caan chung i i baan lio ah,
zumhnak fek hi dir sehlaw,
Chanbaunak le sifahnak chung i i chir lio ah,
dawtnak tthawng hi hnemtu sisehlaw,
Nun hi,
Nun hi, chuncha bang in aa dawh ve hnga maw?

Chaamraang te ding thil cung i hnabeisei-mitthli,
Thli bang ra i a kal mi thil cung i i ruahchannak tinh-thli,
Lih bang sullam a ngei lomi thil cung i i sunhsaknak lung-thli,
Mah le mah i hnemnak an si lio ahhin,
Nun hi,
Nun hi, chuncha bang in aa dawh ve maw?

Ka hawi dawt,
I ruahchannak na hlawt tik le,
Thil le ri tlaihchannak na hlawt ni ahkhin,
Nun hi,
Nun hi, chuncha bang in aa dawh ve lai!