Nun Ca Ruahcheuhnak

"Nun Ca Ruahcheuhnak"

1. A chim mi a tuah bal lomi minung cu va zum len duh hlah. An hlen lo hmanh an deuh lai, silole an pheo tawn lai.
2. Arti cu chumh maw a si cumh lo ti theih na duh ahcun, va mer hna/va heng hna. Arti cu i thui hnuapmah piin aa mer ahcun cumh lo a si tinak a si. Fawi tein aa mer khawh ahcun a hmin tinak a si.
3. Atu le tuin, na paw a tam lengmang ahcun tidin lo tuk ruang zongah na pum car khawh a si. Ti ding tawn.
4. Atu na dirhmun na dirnak hmunhma cungah naa lunghmuih lo le na lungtlin lo cun, i thawn ko. Thingkung na si lo.
5. Battery hman hlan ahhin kikbawm (refrigerator) chungah nikhat chung chia tawn hna hmanh. Sau deuh an nguh lai.
6. Biaalnak hi fawi tein tei ning ti na duh ahcun, nan biaalnak he pehtlaih in bia tampi hal khawh i zuam. An in hal ve ahcun leh khawh i zuam ve, a dikmi tette he.
7. Bu silole phu pakhat khat chung i zapi an nih hur lio ah, na mit he ai tong mi minu/mipa kha nangmah he kaa naihniam bik tiah aa ruatmi minu/mipa an si kha va philh hlah.
8. Cahang nak in na ttialmi nakin cahang dum in na ttialmi cu fawi deuh in naa cinken khawh lai.
9. Caleri/celery ei hi a ttha. Ei lengmang.
10. Cini nih lei kangh a damh khawh.
11. Class dih lai nak ah second 30 hna aa duh ah saya/sayama te sinah biahalnak tuah ti hlah. Na duh cun pumpak in va tong hna. Na pawngkam minung ca ruat tawn.
12. College dih le cangka in rian hmuh na duh maw? Nangmah he field khat a tuah ttung nain, na hlan kum 1-2 in college a dih ding minung kha tampi komh khawh va zuam hna.
13. Google ah na flight number na ttial ahcun na vanlawng umnak na hmuh hrimhrim lai, airport na um tikah tuahte.
14. Hatsi/hasi/ha tteihnak si nih thilpuan cung i aa neh mi cafang a thianh tawn. Na thilpuan cafang aa nehnak cungah thuk law, ro ter, cun su tthan.
15. Heh tiah hlabia cinken i zuam hi thluak caah a ttha ve.
16. Hi thil pathum hi naa ukter hna lo ahcun na caah a ttha bik: midang, tangka le luancia na hmuhtonnak.
17. Hlasak nih hin an lawmhter, i sau deuh zong an nunter khawh.
18. Hlawhtlinnak hi lawmhnak tawhfang a si lem lo. Lawmhnak tu hi hlawhtlinnak tawhfang a si tawn.
19. Hlawhtlinnak lamthluan ahhin zulhphung pahnih a um: Na theihmi paoh mi paoh phuang dih hlah…
20. Hliphlau deuh ning ti na duh ahcun na tak vaa kholh. Thianhlimnak nih hin an fim ter deuh lai.
21. Hmanthlak chungah, thil aihre hrukaihnak nih hin a ngan deuh in an langhter lai, i thil hring i hrukaihnak nih hin an hmet ter deuh lai.
22. Hngilh khawh loin na um tawn ma? Midang an i hngilh lio hmanthlak khi zoh tawn hna. An bawmh ngaingai lai.
23. Ih lai ti hrai khat din le tawh le cangka in ti hrai tan in din lengmang nih hin,                 na mang fawi deuh in an cinken ter khawh. Tuah ve hnik te.
24. Interview na kal tik paoh ahhin cafung i ken lengmang tawn. Interview tuah lio cafung va hal thulh hna nak nih khin na lamthluan a chiat ter khawh.
25. Ipad charger nih na Iphone kha rang deuh in a charge lai.
26. Ka tuah lai, ka tuah lai, ti men hlah. Cu lawngte chimnak cun tuah lawlaw deuh, law na dih tikah ka tuah cang tiah chim te.
27. Khualtlawn lamthluan ah caan saupi motor mawng ding na si ahcun, motor na mawngh pah nihchuak capo bia ngai deuh tawn. Nih pah in ngut le i hngilh cu si kho bal lo.
28. Lungnuam loin na um tawn tikah, pum cawlcanghnak tuah. Naa hrim zau lai. Tc. Pa caah bawlung, nu caah gym kal tbk.
29. Lungzur in na um caan ah inn thian tawn.
30. Marshmallow hi ei tawn: hafah, khuhhrin zawtnak le orfah hi a dam ter deuh tawn hna.
31. Meifung (phazawngdai) hi na van hlanah kikbawm chungah sml zeimawzet in chia tawn hna. Sau deuh an nguh lai.
32. Merh siamsiam tein nihnak nih na umkhua a nuamh ter deuh suaumau lai. Heh tiah merh khawh lengmang i zuam ve tawn.
33. Mi hloptlo le ruahnak ttha ngeimi minung tampi he naa komh ahcun na nun khua a sau deuh lai.
34. Mi ingai chia le mi zai tam minung cu tamtuk in komh lo i zuam ko hna. Zeicahtiah, hawikom nih hin minung kan nunnak ahhin, a tam bik in, thlennawnnak hi an chuahpi tawn.
35. Mi nih hin na chim mi nakin na intuar ter ning hna cu a let in an in cinken deuh lai.
36. Mi pakhat a sinak taktak cu, an ca i zeihmanh a si lomi minung an tuahto hna ning ahkhin a lang tawn.
37. Mi pakhat pakhat nih an lungthli in an in duh le duh lo hngalh na duh mi? An mitfalai khi va zoh tawn! Mitfalai hi 45% in a ngan deuh tawn, an in duh pah ve a si ahcun.
38. Mi sinin pekmi; thil, thangthatnak…tbk na hmuh tikah “Kaa lawm” ti va philh hlah.
39. Minung pakhat a sining taktak hngalhtheih khawhnak ding ahhin zatuak in kum 2-4 a rau tawn. Nuva i tthit um hlan i hawikom ttha simi hi an i tthen lem ti lo.
40. Minute 15 chung heh tiah nih khi sml 1-2 chung na ih khawh mi tluk khin thilti khawhnak a ngei ve. Nih lengmang i zuam.
41. Motor airbag a umnak cungah khin na ke va chuang men hlah! Thil pakhat pakhat na ton ahcun na lo lai! Zeicahtiah, airbag a hun chuahter tu thil ahhin a puakmi thil hi aa tel, cucaah cun na ke a lo kho.
42. Motor nih an pah cang ding a si ko ahcun, vaa hlok!
43. Music/ringawn, a nem mi na ngaihnak nih hin na nun khua caah thil ttha tampi a tuah khawh. Music nemmi te zong ngai pah tawn.
44. Na ca cu na cawn ni ah minute 15 tal in zoh tthan lengmang hna. Hngalh camcinnak 60% in a karh chin thluahmah lai. Cuticun, a ni lai rumro i na thluak zong puahter dih deng kha na hrial khawh lai.
45. Na dam lo tik i an conghhramtu minung conghhramnak kha vaa cinken. Amah a dam lo tik zongah an conghhramh ning bantukin na conghhram ve ahcun cucu a caah siarem bik si lai.
46. Na doctor sinah, na ngandamnak he pehtlaih in lihchim hlah. Na nun an khamh khawh kha philh hlah!
47. Na ha naa teih hlan ah na hasi kha ti in ciar ter ti hlah. A thil ti khawhnak ti nih a zuk dih ngawt sual lai.
48. Na hal lo ahcun na ngah lai lo.
49. Na hnar in thli dawp, na cil vuihnih in dolh, na hnar in thli chuahter tthan, na iknak a dam ter hrimhrim lai.
50. Na hrawm/or a fah tawn ahcun marshmallow va ei tawn.
51. Na ka haw nammi hloh na duh maw? Na lei kha tiang tein chia lengmang.
52. Na kal ran deuh paoh le na nun khua sau deuh kho.
53. Na khan a kih deuh paoh ah, i hngilh a fawi deuh deuh ve.
54. Na khua a sih deuh paoh ah, na hmang chia deuhdeuh ve.
55. Na lu a fah tawn ahcun *tanpazia|-lime’ kha a lai in va cheu law, na cal ahkhan hnur.
56. Na lunglawmhnak a hlohraltu minung sinin cun vaa pheo ko. Cu bantuk mi zeiruaram lo he caan hman lengmang ding ahhin nun hi a tawi tuk.
57. Na lungre a theih i na phur a rih tuk ahcun va tli tawn. Zeitha hnemlo khuaruahnak na ngeih mi nih an in but hnawh lai lo.
58. Na lungzur in na ngaihchia maw? Mi pakhat khat caah thil ttha ngaingai tuah piak va zuam. An bawmh suaumau lai.
59. Na mit chungah zeimaw ttukttak a um tawn ma? Na hmai tlum ding kheng chung ahkhan ti kha khat tein chia law, a chung ahkhan na mit au. A chuak colh lai.
60. Na motor mit thlalang maw hemhum in a um maw? Hasi/toothpaste he hei thian. A var zum lai.
61. Na nun chung vialte, zungzal hnga in, minung pakhat lawng na nunpi dingmi cu nangmah lila na si ko. Cu he naa relrum lo a si ahcun na nun ah buaitamnak cu a um hrim. I daw. I cohlang.
62. Na nungak/na tlangval caah laksawng pek awk na thei huaha lo ma? Ahlan ken in laksawng kan cawk piak. Zeidah a si lai tiah na ruah? hei ti hmanh. Achim mi  paoh kha a duhmi an si ko lai.
63. Na nungak/na tlangval he nikhat chung ahhin minute 10 tal nan nih tti lengmang a si ahcun 75% in nan i pehtlaihnak sau deuh a nguh lai tinak a si.
64. Na paw fak tawn ma? Na cakeh-zakthal in zau law na paw kha o-pum sawisam in a zafang tein muai piak tawn. A ttha deuh lai.
65. Na pawttam lio ah dawr kal i tim hlah. Aherh lomi thil tamtuk cawk naa huah lai.
66. Na phone hi a battery a dih deng cang ahcun hmang ti hlah. A charge nak na ngeih lo cun that ko cang. Radiation timi dah pakhat a simi hi battery a tlawm deuh paoh ahhin a tthawng chinchin ve. Na ngandamnak hi let 1000 in a tthihkheih khawh.
67. Na phone na charge pah in heh tiah tuai len khi a ttha lo, na phone a rawk kho. Mah ruang ahpei, a charge nak hri cu tawi tein an tuah cu.
68. Na phone tilak ah na thla sual ma? Facang chungah hei chia. Facang nih tizu a dawp lai.
69. Na pum muisam zoh co deuh in um seh ti na duh maw? Na ih lai sml 4 chungah zeihmanh ei ti hlah.
70. Na sinak nih a tlinh ti lomi leng in na hawikom sinah tangka/thil coih bak hna hlah.
71. Na thinhung ma? Zei bia hmanh na chim hlanah, na thaw fak piin chuah. Na ka zong i hup ko. Kan thinhun paoh ahhin, minung cu, kan thluak nakin kan ka a rang deuh tawn. Na lei uk khawh i zuam.
72. Na tlik tikah, thahri hnuhdawh hrial na duh ahcun na cakeh lei ke nih vawlei a tongh paoh ah na thaw chuah ve.
73. Na umnak khan chungah mifim bik na si ahcun, na umnak khan naa palh.
74. Naa hngilh kho tawn lo, si lo ma? Minute pakhat chung hrawng heh tiah na mit tthep tawn hmanh. Na mit bat ahcun na mitku fawi deuh lai.
75. Nangmah cu nangmah na si. Na nun lamthluan hi midang ruahnak le hmuhning in sersiam viar i tim hlah. A ttha mi hnihkhat cu i char hna. A zeipaoh ah mi va rinh hna hlah tinak. Cun, mi nih ruahnak an in cheuh tikah, an ruahnak cheuh mi phichuak a ttha a si pek, a chia a si pek ah—a neh hnu tiang zulhdawi tein aa chang ve ding an si lem ttung lo ahcun, cu ruahnak cheuhmi he cun na nun lamthluan cu kar hlanpi tim zuaimai hlah! Na lo lai.
76. Nangmah pumpak nunnak kongah midang i thalh len ve hna hlah seh ti na duh ahcun internet ah heh tiah zamh ve hlah ca! Kum khat ah vui linga na lungkuai zong kha an theih a herh lem lo khah.
77. Ngaknu tlangval nan i helhhum tikah, zaanriah eitti hlan ah movie ah kal tawn u. Zanriah ei tikah i ceihhmai ding kong tam deuh nan ngei lai.
78. Ngol hngal loin na khuh ahcun na ban kha lu cunglei ah thlir hna, naa ning deuh lai.
79. Ni 35 dan paoh hin na takvun hi amah tein aa sersiam. Na cuap hi thla khat dan in si ve. Na takpum nih hin hi sersiamnak ahhin na eidin mi hi a hman lengmang. Na eidin mi paoh kha nangmah na si ko. Cucaah, dingrep tein eidin khawh i zuam.
80. Nihin na dirhmun nih hin hmailei naa tinhmi dirhmun an naihter maw an hlat ter tihi vaa hal lengmang, na lam a sawn pah kho tawn men nain, na tlau ngaingai lai lo.
81. Nihsaihnak le daihnemnak hi eidin le cawlcanghnak bantukin na ngandamnak caah an biapi ve.
82. Nikhat chung zeihmanh vuivai lo le zai lo tein um hmanh.
83. Nu caah mu, nikhat suimilam pakhat tal cun inn pawng, gym, park tbk ah vakvai tawn. Hnu cancer 14% in a khamh ve.
84. Nu hi an muisam le an langhnak nakin an thilti khawhnak le an thiamnak tuhi fak deuh tawn hna…law hngak.
85. Nuamhnak hi na cawk khawh; lawmhnak hi na caw kho lo! A thleidan zia thiam.
86. Nungak/tlangval phone number na duh maw? Kaa khatkhat nan kal tikah, hman i thlak pi hna law, “Zaangfah tein, ka kua ve te mu,” hei ti top ko. Hahaha.
87. Nunnak ah a biapi bik hi thil le ri an si lem lo.
88. Nunnak ah zeihmanh relrumnak a um lo tikah, va ih taak men ko. Naa hngilh khawh lo sile remhnak dingah a lam va kawl. Na hmuh hlei lo si le, it ko. A buai.
89. Nunnak ahhin hawi tampi na herh lem lo. Na zumhngammi hawikom, na sinak/sining na pekchanh ngammi hawikom ttha pahnih thum te na ngeih hna ahcun a za diam. Hawittha hmuh hi a har bantukin tlaih khawh i zuam hna.
90. Nupi le pasal ttha thim na duh ahcun: cu na duhmi minung nih a chungkhar zeitin a tuahto ning hna kha va ngia; a chungkhar sin i a ziaza kha hmailei a chungkhar ca asi te ding cu asi ko.
91. PDF file na download tikah a hnulei ca thlaih ah ‘exe’ a um ahcun hlonh colh ko. Virus a si ttheo.
92. Phone battery rang in deuh in i charge kho seh ti na duh maw? Airplane mode ahkhan hei chia. Sau a rau lai lo.
93. Piat khut hrial na duh maw? Khaicek khai paik pah, piat na meh lio ah.
94. Piat le vankhawng nih hin sam tthan ning a ranter deuh.
95. Ruahnak ttha na ngeihmi kha a hnu tuah te ding in i chiah hlah. Midang zong nih an rak ruah khawh ve mi a si. Hlawhtlinnak cu a tuahser hmaisami minung sinah a ra tawn.
96. Saram zuatnak inn i na kal tik paoh ah—cu hmun—rianttuantu thilthuam he aa khatmi muici vaa hruk aih tawn. Saram nih an in zam taak bal lai lo.
97. Si na din le din lo cinkennak ah buaibainak na ngei maw? Na din fatin thol kha a lu le taw let tawn. Philh lonak dingah an bawmh lai.
98. Sianginn ca he pehtlaih in google.com lawng hi kongkau kawlnak ah hmang hlah, scholar.google.com hi hmang ve tawn. Na theih hngalh duhmi kongkau aa relrum bikmi na hmuh khawh deuh lai.
99. Sianginn le bu pa khatkhat sin i hmanthlak um tikah ningzah pan phun in hmanthlaknak kha va hrial len duh hlah, naa ngaihchih lai lo. Tukum na sinak, na ruahning, na lungput le hi hnu kum 10 na sinak cu aa dang suaumau lai si.
100. Sianginn, sianghleiruun, silole cawnnak pakhat pakhat a um paoh ahhin hmailei peng ah tthut khawh i zuam. Na hnulei ah mit a um ti lo. Hmuhmi a tlawm le hnathoktu a tlawm ve.
101. Suimilam 9 nak tam ih hi hruh a si. Na pum chung thilri zong a hrawh khawh. It kho na loin ih vaa hne hlah! Na caan pam.
102. Takvun caah a tthabik rawl phun 4: seafood, aanhringsa, thingthei le theihang.
103. Teirul cham hi a phun tampi. Asinain, a ttha cem mi cu zeirel lo mei in kar hlang khawh hi a si, hlawhtlinnak tiang mu. Cucaah, mi pakhat an lungdiriam dingin heh tiah na intuarnak kha hmuhter hna hlah. I zuam.
104. Thawngpang rel tuk hi a ttha lem lo. Thawngpang hi a ttha mi nakin a ttha lomi tam deuh, chanthar media chantiluan in zulhdawi ahcun. Carel na duh ahcun zeidang dang ca hna rel deuh tawn. Thawngthanh ca, le cu deuh he aa pehtlai mi paoh cu hrial pah tawn ko. Cuti lo cun, vawlei hi a rawk dih cang in na hmuh lai. Aherh lo ah na lungrethei lai.
105. Thil cu na kawl hmasa nak hmunhma ahkhan chia tawn hna, na va hmuh hna nak ahkhan siloin.
106. Thil le ri nakin hmuhtonnak he aa pehtlai deuh mi tu ah tangka hman i zuam tawn.
107. Thil pakhat khat nih lungtuai tuk le lungbuai tukin an umter sual ahcun, cu buaibainak cu hi hnu kum 5 hnu tiang ah naa hngalh camcin lai le lai lo ding kha va ruat tawn.
108. Thil pakhat khat tuah haumi, chikhat te ah dih khawh colh ding a simi na hmuhton tikah, va tuah colh ko. Rian i chiah hlah.
109. Thil pakhat khat tuah na duh tikah, a vuikhatnak na lungthin le ruahnak nih an in chimh ‘chung bia’ timi hi zeirel loin um sawhsawh hlah.
110. Thli lak ah na zun zung hlah!
111. Tikik in takholh hi na caah a ttha. Lung ngaihchiatnak an nem ter khawh i, na takvun samfa caah an ttha.
112. Timh lo piin, na phone in, mi sinah ca na kua tawn maw? A rannak in airplane mode ah chia colh. Cakuat a ngah lo timi lehnak na hmuh tikah na cakuat cu hlonh tthan te.
113. Tthitum ttha bik cu hawikomhnak in aa thok. Na hawikom ttha tuk si cang mi minung he i tthitvat cu na ca zongah a ttha; i tthennak zong 80% in a tlawm ter.
114. Va orh-lei zakthal in na ih ahcun na keh-lei zakthal ihnak nakin rang deuh in naa hngilh lai.
115. Vanlawng ticket hi man deng deuh in caw kho ning ti na duh ahcun na browser kha ingognito mode in hmang tawn, zeicahtiah cun tu le tuin na lenmi website nih khan na browser kha an i cinken i ticket man a fak deuh tawn.
116. Zaan khat ih lonak nih nili chung na thluak riantuan ning a buaiter ngaingai lai.
117. Zaan tlai deuh pi tiang a um tawn minung hi mi thluakvar deuh an si tawn, a fim deuh mi mu. Nain, zaanmang chiakha an manh tikah fiang deuh tein an manh tawn ve.
118. Zeibantuk hneksaknak paoh hi a hnu ahcun a si kho te ko lai timi ruahnak hi na dirawnh hnawh ahcun, a hnu ahcun an si kho taktak ttheo.
119. Zeibantuk zumhnak na zumh pek ah, mi pakhat khat nih christmast, hari raya, Chinese new year, Hanukkah tbk lawmhnak na cung um ko seh an in ti ahcun, “Kaa lawm,” va ti ko. Anih cu Kawlmi a si le cu mi cu a si va ti duh hlah!
120. Zeipaoh hi, nangmah pumpak duhnak le duhning lawng tein a um a kal i a can dih si ahcun na nun hlathlai colh ko. Nangmah zawn lawng naa ruat kho, na hak kau kho…nangmah lawng a nungmi na si lo.
121. Zeitik paoh ahhin minute 10 in tuan deuh lengmang. Aneh hnu ahcun naa ziak lai, i zeitik hmanh ah na tlai bal ti lai lo.