-=Lungthawh Duhnak sin Ngaihthiam Halnak=-
i
Duhnak mitcaw; khua a hmu hrim lo
Lungthawhnak nih duhdawtnak a hnursuan hnu i a thlem iapmap tikah,
mipa caah ngaichihnak tuanbia aa hlum, fahnak he.
Thinlung nih duhdawtnak a co lo fah hi,
mipa caah ngaihchiatnak ngan bik a si; caan, thinlung ei in a liam.
ii
A poi, a fak, huat tlai cem mi thil:
A caan aa ralkah lio i hnakruh sem ai timh;
Thinlung nih biatak tein a duhdawtmi minu a ton;
hmanhseh, caan cherhchan in 'van kawp lonak' nih,
duh saamter khawh lo, a thli in tuar.
iii
Zingnu sinah tiam za ka khing:
Ka palhnak maw ka phuan hmasa lai, ka sualnak dah?
Silole, ka hruhnak maw ka tiam hmasa lai, ka molhnak dah?
-Lehnak: Lung rannak nih a ka thah; siaherhnak nih a ka nanh.
iv
Atu hnu, lungthawhnak a ziamh hnu ah, thinlung a nung.
A buaitam mi thil pakhat aa chap: Ruahnak.
Hi duhdawtnak mitcaw sinah
Thinlung le Ruahnak an i ralkah;
Lum lo, sat loin ka kaang.
v
Hi hnu ahhin, hihi ding teomo in chim ka duh--
Siseh ngamh a huai lo, (a thli in)
Ka Thinlung in ka duhmi minu sinah:
"Kan duh tuk. Kan dawt tuk." ti bia...
Ka ruahnak in ka siaherhmi minu sinah:
"Ka palh. Ka theithiam." ti bia...
Lairel Zingnu sinah: "Ka ngaithiam;
a mitcaw mi thinlung mit he duhnak kaa purh chih sual hram."
vi
Nain, hihi ka theih: Hi 'Lung' thinlung lung thum rual hi
Tiva bang cun an luang tti ti hnga lo: Lung khat buai;
lung khat tuai; cun Lung khat a kuai hnga...
vii
Hi kheng tlang velhle ah nunnak zong aa vel ve:
Zaan caan nih ngaihchihnak a phurh;
Chun caan nih lilennak aa phurh;
Caan ralkah in minu ka duhnak ka fian; nain ka helh lo.
viii
Lungthawh nun nih a hruaimi minu ruah ah:
Ka velhle he ka bia hri kaa sih.
-Hruhnak, molhnak, ngaihchihnak, ngaihchiatnak, lilennak,
buaibainak, palhnak le sualnak...keimah an si dih!
ix
Mi pek mah pek, hi thinlung nun teptu na si ahcun
Hihi ka ruah pi: Ka lungthawhnak hi keimah nih maw ka deuh?
Ka lungthawhnak nih dah keimah a ka deuh?
-Lungthawhnak velhle sinah: Hnakruh zong a kuai cuahmah, i
Thinlung zong a kuai cuahmah...
Chun tin ka thlep, thlavai kiang in
Zaan tin ka hram, zuun ngai in.
x
Lungthin nuam lo ngai in hihi chim ka duh:
“Ka ruahnak philh ka duh;
Ka lung zulh ka duh,
Ka ngaithiam.”
Duhnak mitcaw; khua a hmu hrim lo
Lungthawhnak nih duhdawtnak a hnursuan hnu i a thlem iapmap tikah,
mipa caah ngaichihnak tuanbia aa hlum, fahnak he.
Thinlung nih duhdawtnak a co lo fah hi,
mipa caah ngaihchiatnak ngan bik a si; caan, thinlung ei in a liam.
ii
A poi, a fak, huat tlai cem mi thil:
A caan aa ralkah lio i hnakruh sem ai timh;
Thinlung nih biatak tein a duhdawtmi minu a ton;
hmanhseh, caan cherhchan in 'van kawp lonak' nih,
duh saamter khawh lo, a thli in tuar.
iii
Zingnu sinah tiam za ka khing:
Ka palhnak maw ka phuan hmasa lai, ka sualnak dah?
Silole, ka hruhnak maw ka tiam hmasa lai, ka molhnak dah?
-Lehnak: Lung rannak nih a ka thah; siaherhnak nih a ka nanh.
iv
Atu hnu, lungthawhnak a ziamh hnu ah, thinlung a nung.
A buaitam mi thil pakhat aa chap: Ruahnak.
Hi duhdawtnak mitcaw sinah
Thinlung le Ruahnak an i ralkah;
Lum lo, sat loin ka kaang.
v
Hi hnu ahhin, hihi ding teomo in chim ka duh--
Siseh ngamh a huai lo, (a thli in)
Ka Thinlung in ka duhmi minu sinah:
"Kan duh tuk. Kan dawt tuk." ti bia...
Ka ruahnak in ka siaherhmi minu sinah:
"Ka palh. Ka theithiam." ti bia...
Lairel Zingnu sinah: "Ka ngaithiam;
a mitcaw mi thinlung mit he duhnak kaa purh chih sual hram."
vi
Nain, hihi ka theih: Hi 'Lung' thinlung lung thum rual hi
Tiva bang cun an luang tti ti hnga lo: Lung khat buai;
lung khat tuai; cun Lung khat a kuai hnga...
vii
Hi kheng tlang velhle ah nunnak zong aa vel ve:
Zaan caan nih ngaihchihnak a phurh;
Chun caan nih lilennak aa phurh;
Caan ralkah in minu ka duhnak ka fian; nain ka helh lo.
viii
Lungthawh nun nih a hruaimi minu ruah ah:
Ka velhle he ka bia hri kaa sih.
-Hruhnak, molhnak, ngaihchihnak, ngaihchiatnak, lilennak,
buaibainak, palhnak le sualnak...keimah an si dih!
ix
Mi pek mah pek, hi thinlung nun teptu na si ahcun
Hihi ka ruah pi: Ka lungthawhnak hi keimah nih maw ka deuh?
Ka lungthawhnak nih dah keimah a ka deuh?
-Lungthawhnak velhle sinah: Hnakruh zong a kuai cuahmah, i
Thinlung zong a kuai cuahmah...
Chun tin ka thlep, thlavai kiang in
Zaan tin ka hram, zuun ngai in.
x
Lungthin nuam lo ngai in hihi chim ka duh:
“Ka ruahnak philh ka duh;
Ka lung zulh ka duh,
Ka ngaithiam.”
