"Vawlei Kan Nunnak"--Vclian
Kan hla ah cun Khrih ah pumkhat kan ti!
Kan bia ah cun Khrih ah pumkhat kan ti!
Ka hawi, nu he pa he, nau nganfah kan tuar.
Tingtang hri lai bang, kan lai
Tingtang hri cat peh bang, khawn ngam kan si lo:
Babel inn sang sak chan ko kan hluan cang mu.
Kan i semnak vawlei tlaihchan in,
Kamhmi Vanram lam cu kan hlat chinchin,
Thihnak hrial zuam in caan kan beng.
Ruahchannak, zumhnak le dawtnak
Ningcang loin kan sawksam dih cikcek;
Cun, fak ngai in, Pathian kan zawmhtaih.
Kanmah le kanmah, sual kan i phawt hnu ah;
"Kan mawh lo, vawlei taksa kan si," min i bunh in,
Thlarau nun cu pakpalawng ah kan canter:
Thihnak kan ttihnak bal a zual hringhran.
Kan philh lengmang mi thil pakhat:
Caan tawite nun, saupi thi mi kan sinak.
Kan hngalh camcin khawh lomi thil pakhat:
Sualnak tampi tuah, thiltha tlawmte tuah in,
Sunparnak aa cuh lengmang mi kan sinak.
Cu lungkhonnak he kan i then lai ahcun
-Vawlei vanmi ah kan cang.
Cun, vawlei ri le ra kongah kan dai.
