"Dawtnak He Nun" - Van Ceu Lian
- duhnak mitcaw hlaw in dawtnak mit-au he nun
A kuai cia thinlung pelpawi sin hlum zumhnak,
A khuaitu duhnak nih, vuikhat in a hneksak nolh.
Duhnak mitcaw; dawtnak mit-au, a fiannak:
Minu a dawt le dawt lo biahaltu; a duhnak volh,
Minung vanmi khi bang - duhnak he aa hrem.
Siseh, a tei khawh lomi cu a lungthin 'duhnak';
A ruahnak in khalh aa zal, a aan-lei a hrem.
Siseh, cucu, zaan tin in a tlaihhremtu fahnak.
Thinlung pelpawi rual - caan sinah - a damlo zia a fian;
Aa thlen bal a hngalh, siseh, hmape he a hrum tawn.
Dawtnak hi a ngeih zungzal khawh lo ding a fian.
Siseh, a 'duhnak' nih cun mah hngal loin a tuah tawn.
Mipa nih, hi thil hi a cawn: Dawtnak he nun;
Mit i au buin, sung khitkhat in, tawite nun.
