"I Ruahchan Men Hlah; Duhdaw Ko!"
Duhnak a hngalfiang tu thinlung na ngeih ahcun
I ruahchan men hlah; duhdawt kha ngamh ko.
Lungkuai na ttih ahcun hi minung hi na si:
Fek tein, nem tein, cun dingfel tein mi duhdawt thiam lomi;
Lungthin caah caanttha a thap bal lomi, lileng minung.
Minu, lungkuainak nakin a fak deuh mi kuainak a um:
Hnak ruh kuai.
Kuai a ttih mi minu,
Hnak ruh a kuai bal lo; lungthin tu a kuai.
Minu, lungthin kuai cu hi bantuk hi a si:
A thla kiak mi Vanva; hmanhseh Vanva nih van ah
Cawngthai in rawl a hlam bal lo.
Minu, hnak ruh kuai cu hi bantuk hi a si:
A nun a dih thluahmah mi Vanva; zeibantuk rawl hmanh
Hlam a zal ti lomi.
Hnak ruh kuai maw lungthin kuai? ti na si ahcun,
Lungthin kuai vaa thim deuh; caan sinah duhsah in
Naa thleng suaumau lai, cun, khi tik ahkhin,
"Fek tein, nem tein, cun dingfel tein duhdawt," cu na thiam lai.
Minu, hi vawlei hi a hnak ruh kuai mi caah a si lo;
Lungthin a kuai mi caah a si!
Duhnak na hngalhfian ahcun 'i ruahchan men hlah'
Fek tein, nem tein le dingfel tein duhdaw ko;
Cuticun, i ngaihchih awk na ngei lai lo.
