"Thinlung Cotu Zuunthing"
Ka thinlung a hlaw cangtu minu zuun ka ngai rih
Vuikhat ka hmuhton mi duhdawtnak ka tlaihchan rih
Hodah ka si?
Hodah a si?
Ngaihchia ngai simi thil:
Val dang ttang i a kawp cang hnga mi;
Kei thinlung zong vuikhat in a rak co bal mi
Minu
Caan tampi cu kaa ruahchan rih...
Hi duhdawtnak ka ngeih mi hi
"Duhnak mitcaw," ka ti ko kho lo.
-"Pheo mi duhdawtnak," tiah ka kawh.
Caan tampi cu ka hruh le ngatnak nih
an ka thlem
A fim huaha lomi lu nih,
"Philh cang! Phil cang!" tiah a ka nawl.
Hmanhseh, ka thinlung ka uk khawh lo cun
Zedah santlai?
Kadua, tuzan zong a thar in ka hir tthan:
Minu zuun in ka thlep diapmap;
ka nun, a thih-hrilh hoi cang lai, ka thin.
"Minu, kan ngai. Kan ngai. Kan ngai tuk!"
