-=Duhnak Hi A Mit Caw Lo; A Mit Au=-
Lai Lenhloi (Lenhoi) Rel ve law a ttha ko na ti ahcun zamh chinh ve. Nungak tlangval biaruahnak chung chuak 'hmuhnak...'
"Duhnak hi a mitcaw an ti ma kha?" tiah nungak nu nih bia a vun chalh.
Pa nih cun, "Aw, duhnak cu a mitcaw," tiah a vun ti hngap ahkhin...nungak nu nih cun, "Zeitin?" tiah a vun hal nolh.
Zeimawzet caan chung cu, ar ko in pa cu a um. Khua a ruat. Alu le thluak chung um, a theihhngalhnak vialte, a hriah a dah dih hna. Nain, "Ka thei thlu ve lo a! Bil Sung hlasak mi kha na ngaih ve ahkhan cun na fian ko lai dah ka ti cu.
Zei bantuk hla kha?
'Tthahniang misual e an in ti zongah lungkil thli tein kan dawt tthiamtthiam ko, tiah hlabia zawimi hla kha na ngai bal dek maw," tiah pa nih cun a vun leh. Cu hnu ahcun, "A chim dan ka thiam ve lo eh," tiah pa nih cun a bia cu a vun nolh chap.
Nungak nu cu, bialehnak nih cun a lungdi riamhter kho hlah sehlaw a dawh..."Na bialeh pi cu kaa fian lo ning cu," tiah duhsah hnguamsam nawn khin a bia cu a vun chim.
Pa cu khua a hun ruat duak tthan. "Aw, mi pakhat kan duh hna ahkhin an caah zeipaoh--kan nunnak zong, kan caan zong, kan sinak zong, kan hmailei zong--pek le thaap kan sian mi zong khi si ko lai teh," ti cun a vun leh tthan. "Mi pakhat kan duhdawt lomi caah cun, kan caan cu chim lo, kan bia kaa khat hnih hmanh kan sian tuk ttung lo," tiah a vun ti. Nungak nu nih cun thuk deuh in ka chim: na chim duhnak ka hngal thlu kho lo hih; piangpai deuh tein ka chim tuah, tiah a vun hal.
Pa nih cun a thawh i:
Minu pakhat hi a um. A min cu ka hal rih hlah, kan chim rih lai lo. Cu nu cu ka duh hlan ahhin cun ka caah khin zei pipa a si lem lo. Cuti ti tikah, zei ka rel lo ka tinak kha si loin, duhnak nih a chuahpi mi tuarnak pawl nih a ka nanh lo ka hei tinak bia. Biana ah, zeimaw caan ahcun kan i chawn pah tawn ko, nain cuti ngaingai in cun ka nunnak ah sunlawinak a ngei lo...
Cuti i bia a chim lio ahcun, nu nih cun, "Ti si ahcun, zeitin," a vun ti i a bia a vun tan hnik. Pa nih cun, "Um rih! Ka bia ka dih rih lo cuh," tiah a vun ti, i a bia cu a pehzulh.
Asinain, cu nu cu ruah lo piin, nikhat hnu nikhat in ka duh chin thluahmah. Zeiruang ah a si cu ka hngal lo: duhnak mitcaw an timi ruang ttheo ahcun si lai cu. Cu ka duh cang hnu cun, mah hlan i ka caan hman ning cu a thleng dih cikcek. Keimah kong nakin a mah kong ka ruat deuh. Keimah duhnak nakin a mah duhnak ka ttanh deuh. A tawinak in chim ahcun keimah ka vawlei kong ka philh caan a tam deuh. Cun, ningzah ruangah ka tuah le ka chim ngam lomi tuahsernak le chimrelnak hna zong, ralttha ngai in chim khawhnak thazaang ka ngei...Mah ruangah, kei ka zumhnak ahcun, duhnak hi a mitcaw an ti le si lai, tiah pa nih cun a bia cu a vun dinh.
Nu nih cun na chim mi vialte hi duhnak mitcaw theitlai nakin duhnak mit-au theitlai lawngte an si deuh, tiah a vun leh ve.
Nu nih cun, bia in hal tuah ning, tiah pa cu a hei ti.
Ka hal ko.
Minung nih hin muihnak chungah maw thil tam deuh kan tuah hnga ceunak chung ahdah?
Pa: Ceunak chungah hme teh! Muihnak chung tham ahcun mitchimh buin mang manh le thlacam dah ti lo cu kan tuah khawh mi cu um lo cu teh, zeihmanh kan hmu kho lo si.
Nu: Si ahcun, mi pakhat na duh hnu hna ahmaw na hmuhnak kauh deuh na duh hna hlan?
Pa: Ka duh hnu hna ah ka ti ko lai. Ka duh hnu hna ah.
Nu: Minung hi zeiset nih hin dah a kan thlen?
Pa: Ka thei ve lo. Ka chim.
Nu: Kan chung tuarnak nun (feeling) nih hin a kan thlen. Naa lawmh ahcun na ni. Na ngaihchiat ahcun na ttap. Na thinhun ahcun bia lo le bia lo na chim, i na tuah. Atu le tu tein kan kan chung tuarnak nun nih hin a kan thlen...
Si ahcun biadang kan hal nolh rih lai, a donghnak ah.
Pa: Aw ka hal rih ko.
Nu: Zeiruang ahdah, mi tampi nih, duhnak vawlei ah ralram kan ser hi na hngal maw?
Pa: Aw, pakhat le pakhat lung i ruan lo caah le, samhri sih si lo ruang zong si ko lai teh, a tawinak in leh ahcun...
Nu: Asi ve ko. Nain a si thlu lo. Duhnak mitcaw an timi ruang ahhin a si deuh. Tuan deuh ah, duhnak cu a mitcaw na ka ti. Hrilhfiahnak tlawmte zong na ka pek chih. Nain cu hrilhfiahnak pawl cu 'duhnak mitcaw' an si lo. Ka lung nih duhnak mitcaw a timi hna he cun an i dang, i hrial awk zongah ralrin aka pek. Cu hna cu:
dawhnak le iang ruang i duhnak, rumnak le suingun chawva ruang i duhnak, tbk hna hi an si. Hi hna hi duhnak mitcaw an si tiah ka zumh.
Theihthiamnak le dawtnak, zaangfahnak le lungsaunak tbk te hna hi cu, duhnak fak piin a mit a au mi theitlai an si hna.
Duhnak mitcaw ka timi hna nih an kan thlennak hi a um lo' a um lo tiah, na fian ko lai dah. Muihnak chung i mang manh le zumhnak loin thlacam nun dah a kan pek ti lo cun, zeihmanh akan pekmi a um lo.
Duhnak mit au ka timi: dawtnak, theihthiamnak, lungsaunak, nemnak tbk hna nih hin tampi a kan thlen. Cu hnu ah pawngkam zong a kan thlen ter chih khawh...
A luancia caan thlapi khan chimh ding kan ngei; na sinah phuan awk bia ka ngei; ka lung hmanh ah ka uam khawh ti lomi bia hna phuan ka duh cang...na ka ti. Nihin ah na ka chimh tikah: Duhnak mitcaw in kan duh ti phun in na ka ti.
Cucaah cun, zaangfah kan nawl, na duhnak mitcaw hi cu ilak tthan ko hna. Thaizing kiptuh ca hmanh an nguh sual hngal lo. Duhnak mit-au he na nun na hramhkauh tikah ka fuh tthan te! Hiti kan ti hi kaa uahfeih ca le kaan zumhteih caah a silo. I ngeih vevek ahcun zungzal ca in ngeih kaan duh bia. Na ka hngalhfian lai tiah ka zumh. Kei cu kaan hngalhfian. Cucaah cun, kan nam lo. Nain kaan hngah lai.
Pa: Dawt, ka mit a au. Ka lungdi a riam. Nain, duhnak mitcaw in mi duh hi sual na ti hnga ma? Cun minung nih hin duhnak mit-au timi hi kan theifiang hnga maw? Silole kan ngei zungzal cawk hnga maw?
Nu: U, duhnak mitcaw in mi duhdawt hi sual e sual lo e ka ti hna lo. Nain na philh zau hnga mi chikhat na chun mang he khin le zumhnak loin thla na cam mi he khin ka tahchunh. Minung kan si caah duhnak mit-au timi hi kan fiang men lai lo, i zeipipa zongah kan rel men lai lo; a ngei zong kan ngei kho zungzal cawk men lai lo. Sihmanhsehlaw, zungzal in kan nung cawk ve lai lo. A nung mi nih cun 'hmuhnak' kan ngeih hau.
Pa: Tuzan cu vanmi maw ka ton Jesuh hen? Ka coffee zong dai dih cang hih! Dawt kaa lawmtuk. Hmailei caan ka ttih ti lai lo. "Happy Valentine's Day Dawt"...
Lai Lenhloi (Lenhoi) Rel ve law a ttha ko na ti ahcun zamh chinh ve. Nungak tlangval biaruahnak chung chuak 'hmuhnak...'
"Duhnak hi a mitcaw an ti ma kha?" tiah nungak nu nih bia a vun chalh.
Pa nih cun, "Aw, duhnak cu a mitcaw," tiah a vun ti hngap ahkhin...nungak nu nih cun, "Zeitin?" tiah a vun hal nolh.
Zeimawzet caan chung cu, ar ko in pa cu a um. Khua a ruat. Alu le thluak chung um, a theihhngalhnak vialte, a hriah a dah dih hna. Nain, "Ka thei thlu ve lo a! Bil Sung hlasak mi kha na ngaih ve ahkhan cun na fian ko lai dah ka ti cu.
Zei bantuk hla kha?
'Tthahniang misual e an in ti zongah lungkil thli tein kan dawt tthiamtthiam ko, tiah hlabia zawimi hla kha na ngai bal dek maw," tiah pa nih cun a vun leh. Cu hnu ahcun, "A chim dan ka thiam ve lo eh," tiah pa nih cun a bia cu a vun nolh chap.
Nungak nu cu, bialehnak nih cun a lungdi riamhter kho hlah sehlaw a dawh..."Na bialeh pi cu kaa fian lo ning cu," tiah duhsah hnguamsam nawn khin a bia cu a vun chim.
Pa cu khua a hun ruat duak tthan. "Aw, mi pakhat kan duh hna ahkhin an caah zeipaoh--kan nunnak zong, kan caan zong, kan sinak zong, kan hmailei zong--pek le thaap kan sian mi zong khi si ko lai teh," ti cun a vun leh tthan. "Mi pakhat kan duhdawt lomi caah cun, kan caan cu chim lo, kan bia kaa khat hnih hmanh kan sian tuk ttung lo," tiah a vun ti. Nungak nu nih cun thuk deuh in ka chim: na chim duhnak ka hngal thlu kho lo hih; piangpai deuh tein ka chim tuah, tiah a vun hal.
Pa nih cun a thawh i:
Minu pakhat hi a um. A min cu ka hal rih hlah, kan chim rih lai lo. Cu nu cu ka duh hlan ahhin cun ka caah khin zei pipa a si lem lo. Cuti ti tikah, zei ka rel lo ka tinak kha si loin, duhnak nih a chuahpi mi tuarnak pawl nih a ka nanh lo ka hei tinak bia. Biana ah, zeimaw caan ahcun kan i chawn pah tawn ko, nain cuti ngaingai in cun ka nunnak ah sunlawinak a ngei lo...
Cuti i bia a chim lio ahcun, nu nih cun, "Ti si ahcun, zeitin," a vun ti i a bia a vun tan hnik. Pa nih cun, "Um rih! Ka bia ka dih rih lo cuh," tiah a vun ti, i a bia cu a pehzulh.
Asinain, cu nu cu ruah lo piin, nikhat hnu nikhat in ka duh chin thluahmah. Zeiruang ah a si cu ka hngal lo: duhnak mitcaw an timi ruang ttheo ahcun si lai cu. Cu ka duh cang hnu cun, mah hlan i ka caan hman ning cu a thleng dih cikcek. Keimah kong nakin a mah kong ka ruat deuh. Keimah duhnak nakin a mah duhnak ka ttanh deuh. A tawinak in chim ahcun keimah ka vawlei kong ka philh caan a tam deuh. Cun, ningzah ruangah ka tuah le ka chim ngam lomi tuahsernak le chimrelnak hna zong, ralttha ngai in chim khawhnak thazaang ka ngei...Mah ruangah, kei ka zumhnak ahcun, duhnak hi a mitcaw an ti le si lai, tiah pa nih cun a bia cu a vun dinh.
Nu nih cun na chim mi vialte hi duhnak mitcaw theitlai nakin duhnak mit-au theitlai lawngte an si deuh, tiah a vun leh ve.
Nu nih cun, bia in hal tuah ning, tiah pa cu a hei ti.
Ka hal ko.
Minung nih hin muihnak chungah maw thil tam deuh kan tuah hnga ceunak chung ahdah?
Pa: Ceunak chungah hme teh! Muihnak chung tham ahcun mitchimh buin mang manh le thlacam dah ti lo cu kan tuah khawh mi cu um lo cu teh, zeihmanh kan hmu kho lo si.
Nu: Si ahcun, mi pakhat na duh hnu hna ahmaw na hmuhnak kauh deuh na duh hna hlan?
Pa: Ka duh hnu hna ah ka ti ko lai. Ka duh hnu hna ah.
Nu: Minung hi zeiset nih hin dah a kan thlen?
Pa: Ka thei ve lo. Ka chim.
Nu: Kan chung tuarnak nun (feeling) nih hin a kan thlen. Naa lawmh ahcun na ni. Na ngaihchiat ahcun na ttap. Na thinhun ahcun bia lo le bia lo na chim, i na tuah. Atu le tu tein kan kan chung tuarnak nun nih hin a kan thlen...
Si ahcun biadang kan hal nolh rih lai, a donghnak ah.
Pa: Aw ka hal rih ko.
Nu: Zeiruang ahdah, mi tampi nih, duhnak vawlei ah ralram kan ser hi na hngal maw?
Pa: Aw, pakhat le pakhat lung i ruan lo caah le, samhri sih si lo ruang zong si ko lai teh, a tawinak in leh ahcun...
Nu: Asi ve ko. Nain a si thlu lo. Duhnak mitcaw an timi ruang ahhin a si deuh. Tuan deuh ah, duhnak cu a mitcaw na ka ti. Hrilhfiahnak tlawmte zong na ka pek chih. Nain cu hrilhfiahnak pawl cu 'duhnak mitcaw' an si lo. Ka lung nih duhnak mitcaw a timi hna he cun an i dang, i hrial awk zongah ralrin aka pek. Cu hna cu:
dawhnak le iang ruang i duhnak, rumnak le suingun chawva ruang i duhnak, tbk hna hi an si. Hi hna hi duhnak mitcaw an si tiah ka zumh.
Theihthiamnak le dawtnak, zaangfahnak le lungsaunak tbk te hna hi cu, duhnak fak piin a mit a au mi theitlai an si hna.
Duhnak mitcaw ka timi hna nih an kan thlennak hi a um lo' a um lo tiah, na fian ko lai dah. Muihnak chung i mang manh le zumhnak loin thlacam nun dah a kan pek ti lo cun, zeihmanh akan pekmi a um lo.
Duhnak mit au ka timi: dawtnak, theihthiamnak, lungsaunak, nemnak tbk hna nih hin tampi a kan thlen. Cu hnu ah pawngkam zong a kan thlen ter chih khawh...
A luancia caan thlapi khan chimh ding kan ngei; na sinah phuan awk bia ka ngei; ka lung hmanh ah ka uam khawh ti lomi bia hna phuan ka duh cang...na ka ti. Nihin ah na ka chimh tikah: Duhnak mitcaw in kan duh ti phun in na ka ti.
Cucaah cun, zaangfah kan nawl, na duhnak mitcaw hi cu ilak tthan ko hna. Thaizing kiptuh ca hmanh an nguh sual hngal lo. Duhnak mit-au he na nun na hramhkauh tikah ka fuh tthan te! Hiti kan ti hi kaa uahfeih ca le kaan zumhteih caah a silo. I ngeih vevek ahcun zungzal ca in ngeih kaan duh bia. Na ka hngalhfian lai tiah ka zumh. Kei cu kaan hngalhfian. Cucaah cun, kan nam lo. Nain kaan hngah lai.
Pa: Dawt, ka mit a au. Ka lungdi a riam. Nain, duhnak mitcaw in mi duh hi sual na ti hnga ma? Cun minung nih hin duhnak mit-au timi hi kan theifiang hnga maw? Silole kan ngei zungzal cawk hnga maw?
Nu: U, duhnak mitcaw in mi duhdawt hi sual e sual lo e ka ti hna lo. Nain na philh zau hnga mi chikhat na chun mang he khin le zumhnak loin thla na cam mi he khin ka tahchunh. Minung kan si caah duhnak mit-au timi hi kan fiang men lai lo, i zeipipa zongah kan rel men lai lo; a ngei zong kan ngei kho zungzal cawk men lai lo. Sihmanhsehlaw, zungzal in kan nung cawk ve lai lo. A nung mi nih cun 'hmuhnak' kan ngeih hau.
Pa: Tuzan cu vanmi maw ka ton Jesuh hen? Ka coffee zong dai dih cang hih! Dawt kaa lawmtuk. Hmailei caan ka ttih ti lai lo. "Happy Valentine's Day Dawt"...
