“Mang”
© Van Ceu Lian
Zaangfah kan nawl!
Mang thlum, manh khat te hmanh hi
Atak nun khami nak cun, vui zakhat in a ttha deuh ti hi
Ka philh piak hrimhrim hlah.
Atu,
Hmuh lo hri-ring sinah, a catmi mang ka hlawi;
Nun sinah a king, lukil sinah khing in khing,
Hi vawlei ah atlu baanmi ka si.
Asi khawh ahcun,
Ka kutpei hi fek tein tlai, rek,
Dawtnak na ngeihchunmi kha ka pe,
Ka thazaang na si kha philh hlah.
Nang zong nih
Mang na ngeih ve kha ka philh lai lo:
Na caah athlum ve ka hngalh; maan ko,
Maan thluahmah, a zaw atak nun hi simh!
Thaizing ka hmulo,
Nain tampi kaa lawm, kaa sunhsak,
Nizan, nihin ka lio cuahmah lio,
Mang manh ka philh lo.
