"Minu Thlam"
-5th October Diary-
Ding teomo ning: a min ka hngal lo;
a hriah le a hrah, mitthlam ah kaa tuaipi hna,
a aw le aan, ringawn bang hnathlam an thlem.
Min hngalh lomi, minung va duh dawt khi,
hlafung,
fung khat ngaih camcim bantuk a si:
Khirh nolh ṭhan dah ti lo cun, a dih zau;
Ka khirh nolh mi cu cinkennak;
ka thinlung nung; nizan, nihin, le thaizing an i dang lo.
Ka thlen nawnmi um lo: ka khirh nolh lengmangmi cu:
Minu a si, a min ka hngalh lomi minu.
Thaizing caah thlacam awk um lo,
Nizan sinah lunghmuih awk um lo,
Nihin sinah, khirh nolh dah tilo, zeihlei um lo,
Hngalh lomi minu, hla fung khat bantuk men:
a thluam le thlam, a mui le sam,
a aw le aan; khirh hna ning
ka sinin an tlum hlan chung.
Cucu:
ding teomo ning; minu thlam ka hlawm.
ding teomo ning; minu thlam ka hlawm.
Cu thlam cu ka khirh nolh mi a si.
Minu, hngalh lomi minu, ka ruat thluangthluan.
