Bianolh
Hi cahmai hi nunphung le cahram he pehtlai in thaimi cahmai tlawmte lakah pakhat asi ve. Hi cahmai nih hin a tawi fiannak tein 'bianolh' a sullam le ahmannak hna langhter aa tinh.
Bianolh; biafang aa nolhnak asi kho, i catlang (biatlang) aa nolhnak asi kho.
Bianolh hi biazai caang chungah siseh, tuanbia tawi tlap cungah siseh, lenhoi cahmai ah siseh; cun ahlei in biachimnak tbk...hna ahhin hman asi. Bianolh hi kan hman. Zeicahtiah cun, kan chim duh taktak mi kan bia, le midang hngalhtheihter taktak kan duhnak kha kan nolh tikah a biapimi kampau ah a cang. Cutikah, mipi zong nih kan bia kha an ichar khawh, i kan i biataknak zong kha an kan hmuh piak khawh.
Bianolh hi a biafang nolhnak in siseh, a catlang nolhnak in siseh nolh khawh asi taktak. Asi nain biachim sawn ruangah luala-luala in; aw ai ci-ik ti awkin aa nolhmi biachimnak khi, asi lem lo. Timh ciammam tein: Hi biafang le catlang (biatlang) hi cu mipi nih icinken hna seh, ihngalh hna seh...ti kan duhmi kha kan nolh tawn.
Biafang nolhnak langhter hmanh ning:
"Kan ram nih sui le ngun tampi a herh lo, chaw le va tampi a herh lo; a herh khawh men; sihmanhsehlaw cu nak cun dawtnak a herh deuh."
Biatlang nolhnak silole catlang nolhnak:
"Laimi idaw hna usih! I daw hna usih."
An i dannak?
Biafang nolhnak cu a biatlang huap piin siloin biafang lawng in nolh. Biatlang nolhnak ahcun a biatlang ning piin ai nolh dih.
