== Lilennak: Hawikom le kawp ngeih lo ruangah a chuakmi ngaihchiatnak min; a sinak ah—umharnak, thlavai kiannak, hawi ngeih lonak, sivanghnak, le kildetmi sinak.
Tiva nganpi pakhat tlang hrawn in, rumra ngei mipa pakhat cu ahnu zultu pawl he cun khual an tlawng. An lamthluan an zulh cuahmah lio ahcun, takkhawlh ah arak rami innchungkhar hna, tivakam ah an isikcak le thinhung ngai in fak piin an i aukhuan hnawh ko cu an hmuh an theih hna. Cu vial ahcun, a zultu cu merh nawn te khin, "Zei ruang ahdah kan thinhun ahhin faktuk lawmmam in kan au tihi nan thei maw," tiah a hal hna.
Zultu pakhat nih cun, "Kan thinlinh tuk caah le kan isum khawh tilo caah kan aukhuannak asi," tiin avun leh. Sihmanhsehlaw an pupa nih cun,"Asinain, dinte le rem deuh tein, na pawngte ah ummi tham cu, chimhrel khawh a si ko cu ta," tiah a vun ti tthan.
Zeitimaw luklak in a biahalnak cu an leh cio. Sihmanhsehlaw hohmanh nih a lung an tong lo.
Aneh hnutu ah amah lila nih a chimh hna, i hitinhin a chimh hna:
"Mi pahnih karah thinhunnak a um tikah, an thinlung cu hla pi'n ai hlat. Cucaah bia an ichimh tikah, pakhat le pakhat an itheih khawhnak hnga, fak piin an au a hau. An thin ahun deuhdeuh le thang deuh chinchin in an au a hau. Cuti thang pi'n an aulo asi ahcun, an ihlat tuk caah an ithei kho lai lo."
"Mi pahnih karah thinhunnak a um tikah, an thinlung cu hla pi'n ai hlat. Cucaah bia an ichimh tikah, pakhat le pakhat an itheih khawhnak hnga, fak piin an au a hau. An thin ahun deuhdeuh le thang deuh chinchin in an au a hau. Cuti thang pi'n an aulo asi ahcun, an ihlat tuk caah an ithei kho lai lo."
"Asinain, mi pahnih karah iduhdawtnak um sehlaw ta? An i aukhuan hnawh ahau tilo. Zeicahtiah an karah zeihmanh dangtu le hlattu an ngei tilo. An thinlung le thinlung pei an inaihniamtuk cu. Thukpi in le biatak takin an iduhdawt ah ta? An thinlung le an thinlung ai tawng. Bia le hla chim hmanh ahau tilo. Dawtnak min an au cang i dawtnak nun in an nung cang," tiah a chimh hna.
Cu bia achim dih hnu ahcun, a zultu pawl cu a zoh hna i, "Cucaah cun, zeitik paohah, bia nan i al i, nan thin ahun asi ahcun, tamtuk in bia va chim hlah u. Zeicahtiah nan chim deuhdeuh lai i nan thinhun a zual lai. Nan thinhun a zual ahcun nan ihlat a zual ve lai. Adonghnak ahcun a kirnak hmanh nan thei ti sual lai lo. Cucaah ngaihthiamnak hi ingeih hram u," tiah a chim hna.
• Ngaihthimnak hi lehrulchamnak nakin angan, i zaangfahnak hi nahchuaknak nakin angan deuh.
