Nun Chimken Bia Vui2nak Chuak - Dawtnak

Mi tampi nih hin rum hi ṭhatlo in kan ruah tawn, rumnak nih hin lawmhnak a chuahpi lo tiah kan ruah tawn, rumnak nih dawtnak a caw kholo kan ti tawn, rumnak nih hin nunnak a caw kholo kan ti tawn -- cawk awk ngaingai tak cu an si hna lo. Rum hi a ṭha, thilṭha in rum hi a ṭha, sihmanhsehlaw hakkauhnak hi rawhralnak a si. Nun sii-vaih tu cu hakkauhnak hi a si, a damtertu cu Dawtnak hi a si.

Nun in hmuhtonmi zeimawzet bianaang tom rual he vun hluaimi pumpak tuan-phung:

Rum hi a sual lo, i palh fawn lo;
sihmanhsehlaw hakkauh hi sual a si.
Haukauhnak cu ṭih a nungmi sii-vai chia,
thlarau nun-lam hmanh hrawktu a si.
Leng-nun, chung-nun in nahchuahnak
a ngeitu nih damnak a hmu ballo;
hakkau mi zong a rum bal lai lo.
Zohhmanh minung kan nun hi --
hakkauhnak nih dawh a hrawh dih.
Dawtnak timi hi zeidah a si?
Dawtnak timi hi aan dawh le aan ṭha --
aan hlau -- velhle bianem -- hmaizoh --
dawhnak kumkhua rup in tah mi
a si sual lai ti ka phang.
Dawtnak timi cu thinlung ziaza ṭhangeihter
hi a si: a dikthlirmi thil in thinlung cawm
hi a si -- mi ca i intuar hi a si --
mi palhnak philh piak hi a si --
mi nun sullam ngeiin hmuhpiak hi a si --
mi sinak a sungbik in cohlan piak hi a si;
mi a daw thiam lomi kan um tawn--
zaangfak kan si dah--
'a tak nun' ah a thimi kan si.
Biatak a si:
Dawtnak a ngei lomi nun cu a nung lomi a si.
Chunmang hi a nungmi a si lo,
sihmanhsehlaw Dawtnak cu a nung.
Mi na dawt ahcun hihi na co hnga:
A sinak le sining cohlan piak,
A herh ning in duh le dawt.
Cun hihi philh hlah:
A hmemi na thluak, thihri le thari
ṭiaṭumlo nih an lulhmi thluak maw
tamtuk hmang lai ci, na thinlung --
nangmah taktak na thinlung iput in
Dawtnak cu hawl tuah, hawl ko,
hawl hnik, thinlung caah innṭha cu na sak ko lai.