Minung hi nunnak a ngeimi kan si. Cun cu kan nunnak cu sullam a ngeimi a si. Cun cu nunnak sullam cu a thukmi a si. Cu a thukmi nunnak sullam, hmuhtonmi zeimawzet langhternak caah, 'Nun Chinken Bia' ti min bunh ruangmang in ttialmi a si.
1. VCLian chim-phung hna:
Nunnak nih a hmuhtonmi thil lianngan
chung i aa thupmi thil hmuhmi hna an si.
2. Inn a thian ahhin umkhua a nuam suaumau,
thinlung a thian ahcun zeitlukindah a nuamh
chinchin hnga; sihmanhsehlaw inn cu
thiantu a ngeih a hau, i thinlung cu thiantu
a ngeih a hau. 3. Vuikhat thianhmi inn nih
zeitindah zarhkhat ca tiang mang cu
a nguh lai, thinlung hi a thiang kho zungzal lo.
4. Amah zawn lawng aa ruatmi minung nih
a inn a thian ballo, a thinlung chinchin cu
a thian ngai taktak hnga maw?
5. Inn thiang lo ahcun mileng an tlumtla lo,
sihmanhsehlaw inn tianghlim chung i,
i bualh cu ihphah-puan he dawh tein ttamhmi,
ihkhun cung i zau bantuk a si.
6. Thinlung thiang lo le ttha lo nih cun,
zei hawikom ruam cu a ngeih hnga,
ngei hmanh ai kun, amah bantuk dah a si lo ah,
cu zong cu, hling le so lakah i phah bantuk a si.
7. Dawhnak timi hi zeidah a si?
Iang le hlawnthil nih panh chialmal tein
a thuamhmi mithmai khi maw, silole,
titsavun no le cuar tlortlor nih a benhmi,
takpum khi dah? Dawhnak taktak hmuh awkah,
ttha tein kan zoh rulhmalh a hau,
i dawhnak taktak i fian awkah
caan tampi kan herh: Dawhnak timi cu
thinlung ttha i a pardawh hi a si.
8. Mit a raltu iang nih in hleng hlah seh,
A caan a sau lomi soisam men nih
an tuaitam hlah seh.
9. Hihi hngaltuah:
Mit nih hin hmuhnak a ngeih;
thinlung nih cun ziaza ngeih loin
a um lai lo..
10. Aa tuai zekzukmi innchung i um cu,
thaw a ip i hnar a hram, a ttha lomi
thinlung a ngeih cu nun a king ttung i
a hlio ttungmi--santlailo nunnak i ngeih a si.
11. Na hmuhmi thil paoh cu la in,
na innchung cungah chiatuah hnik hna--
hnawmbawm ah na cang colh ko lai.
12. Na theihhngalmi thil paoh:
a bia le hla in a si ah, a thli le thup in a si ah,
na thinlung ken tuah hna;
nangmah le nangmah naa thah a si.
13. Zohhmanh! Hihi bialo le bialo a lo
ngai nain, bia picel ngaingai a si:
Mithathu lungfim hi a tuantuk pengmi a lo.
14. Caan hi tthetse ramcar lak i
i kenmi tithawl bantuk a si,
thlet sual ahcun lohbak!
15. Cu bang, Nunnak hi:
Luhnak le chuahnak a ngeimi asi;
pingpa lo caan ah luh le chuah ahcun lohbak!
1. VCLian chim-phung hna:
Nunnak nih a hmuhtonmi thil lianngan
chung i aa thupmi thil hmuhmi hna an si.
2. Inn a thian ahhin umkhua a nuam suaumau,
thinlung a thian ahcun zeitlukindah a nuamh
chinchin hnga; sihmanhsehlaw inn cu
thiantu a ngeih a hau, i thinlung cu thiantu
a ngeih a hau. 3. Vuikhat thianhmi inn nih
zeitindah zarhkhat ca tiang mang cu
a nguh lai, thinlung hi a thiang kho zungzal lo.
4. Amah zawn lawng aa ruatmi minung nih
a inn a thian ballo, a thinlung chinchin cu
a thian ngai taktak hnga maw?
5. Inn thiang lo ahcun mileng an tlumtla lo,
sihmanhsehlaw inn tianghlim chung i,
i bualh cu ihphah-puan he dawh tein ttamhmi,
ihkhun cung i zau bantuk a si.
6. Thinlung thiang lo le ttha lo nih cun,
zei hawikom ruam cu a ngeih hnga,
ngei hmanh ai kun, amah bantuk dah a si lo ah,
cu zong cu, hling le so lakah i phah bantuk a si.
7. Dawhnak timi hi zeidah a si?
Iang le hlawnthil nih panh chialmal tein
a thuamhmi mithmai khi maw, silole,
titsavun no le cuar tlortlor nih a benhmi,
takpum khi dah? Dawhnak taktak hmuh awkah,
ttha tein kan zoh rulhmalh a hau,
i dawhnak taktak i fian awkah
caan tampi kan herh: Dawhnak timi cu
thinlung ttha i a pardawh hi a si.
8. Mit a raltu iang nih in hleng hlah seh,
A caan a sau lomi soisam men nih
an tuaitam hlah seh.
9. Hihi hngaltuah:
Mit nih hin hmuhnak a ngeih;
thinlung nih cun ziaza ngeih loin
a um lai lo..
10. Aa tuai zekzukmi innchung i um cu,
thaw a ip i hnar a hram, a ttha lomi
thinlung a ngeih cu nun a king ttung i
a hlio ttungmi--santlailo nunnak i ngeih a si.
11. Na hmuhmi thil paoh cu la in,
na innchung cungah chiatuah hnik hna--
hnawmbawm ah na cang colh ko lai.
12. Na theihhngalmi thil paoh:
a bia le hla in a si ah, a thli le thup in a si ah,
na thinlung ken tuah hna;
nangmah le nangmah naa thah a si.
13. Zohhmanh! Hihi bialo le bialo a lo
ngai nain, bia picel ngaingai a si:
Mithathu lungfim hi a tuantuk pengmi a lo.
14. Caan hi tthetse ramcar lak i
i kenmi tithawl bantuk a si,
thlet sual ahcun lohbak!
15. Cu bang, Nunnak hi:
Luhnak le chuahnak a ngeimi asi;
pingpa lo caan ah luh le chuah ahcun lohbak!
