Hi cahmai hi, pumpak in lu le lung i lehthalnak caah thaimi cahmai zeimawzat lakah, Laica theihhngalh kauhnak hnga ca i hun ṭial ve mi a si. Naa fian awkah a donngh tiang rel dingah kan sawm.
Laimi nih hin biafang ṭhaṭha hi khat tung kan rak ngeih ve ko hna. Sihmanhsehlaw, kawl holh, silole mirang holh thengte kan hman ve lo kan rak tinak ah maw a si hnga zeidak, kanmah kan biafang khoih loin mi biafang lawngte kan khoih tawn. Hi nih hin ca le holh i thar chuahṭhannak dingah lam a donhkham ngaingai. Zeicaahtiah cun, a neh hnu i kan lung a hung fim tikah, kan lu ah siseh, lei le daang ah siseh, cun kan lungthin hrim ah pipu bia le hla tbk, phuahchom bia le hla tbk hna hi i ziaknak a um ti lo. Cu tikah, biachim le rel tik ahhin kawl holh, silole mirang holh a telh ciomi an tam i kan tam. Pumpak duhnak le ruahnak chimve a si ahcun hi thil hi kaa hmaithlak lo ngaingai. Cucaah, bawmtu tal si hnga maw tiah zeimawzet biafang ka vun zar lai.
Cikor = Genetic/DNA: Kan pumchung nunnak hrampi. Bianabia: Ngakchia cu a nu le pa cikor pehtlaihnak in zawtnak aa chuahpimi a si.
Khathmang = (Kawl) Ta-kha-tung: Vuikhat lawng kan hmanmi thil le ri. Bianabia: Tutan kan Krismas rawl hrawmhnak ding caah khathmang bel le kheng ka va domh phot tuah lai ka ti ko hih.
Lungtuar/Lungkhen = Feeling: Lungsaknak silole lungfahnak; kan thinlung in kan hngalhtuarmi lungthil. Bianabia: Nan sin i biachimnak caan ka ngeih khawh caah kaa lawmhnak kaa lungsakpi tuk ve. 2. Tutan nan thil tuah cu lungkhen a si loh.
Sunghthap = (Kawl) Sungh-khaan: (Mirang) To give up, or giving up: Hnulei mertaak, hnuchit, hnekduh ti lo, ngol. Bianabia: Kan bia alnak cu donghcah dawh a si ti lo caah keimah tu nih sungh ka thap lawlaw.
Tihmui = (Kawl) Zi-hmuai; (English) Perfume: Takpum, silole thil le ri rim a thawt tertu tikhu-vai. Bianabia: Famte a hlawn bak cu hmuitur in tihmui nih a erh ko. 2. Tihmui cawk awkah ka kal lai ka ti ko hih.
